Энэ урилдаанда Буряад ороной эдир дуушан, 2012 оной Алтарганын нааданай лауреат Байгалма Батуева хабаадаба. Мүн тиихэдэ энэ урилдаанай жюрида Буряадай арадай зүжэгшэн Ешин-Хорло Гомбоин уригдаһан байна. Зуу гаран мэргэжэлтэ уртын дуушад, тэдэнэй хажуугаар мэргэжэлтэ бэшэ, өөрын дураар уртын дуунуудые хангюурдадаг 60 гаран дуушад хабаадажа, аза талаангаа туршаа. Япон, Урда Солонгос гүрэнэй дуушад Улаан-Баатарта уртын дуунай тусхай һургуули гаража энэ урилдаанда хаабадаһан байна.
Манай эдир дуушан 14 наһатай Байгалма Батуева энэ ехэ урилдаанай шэлэн абалгын хоёрдохи шатада гаража, «үргэмжэлэл» гэһэн дипломдо хүртөө. Мүн багшань Ешин-Хорло Гомбоин мүн лэ амжалта туйлагдаһанай дипломдо хүртэбэ. Хоёр жэлэй нэгэ удаа эмхидхэгдэдэг энэ найрта эрын гурбан наадан, айрагай найр болон бусад удха шанартай, һонирхолтой баярай хэмжээнүүд үнгэргэгдэдэг байна.
