Буряад арадай ёhо заншалнуудые hэргээхэ, үндэhэн хэлэеэ хүгжөөхэ, эдиршүүлэй дунда соёл урлалай талаар бэлигтэйшүүлые элирүүлхэ зорилготой байгуулагдаhан энэ ехэ хүдэлөөнэй эхин дээрэ эсэхэ сусаха гээшые мэдэхэгүй, арадайнгаа үндэhэн соёл болон урлалай манлайда ябажа байдаг Россиин арадай артист Михаил Елбонов байhан гэжэ мэдэнэбди. Республикын аймагуудhаа хабаадагшадые суглуулжа эхилээд лэ, саашаа жэл бүри үргэдэhөөр үргэдэжэ, энэ мүрысөөн hүүлэй жэлнүүдтэ уласхоорондын хэмжээндэ гаранхай. Мүнөө жэл соносхогдоhон мүрысөөндэ Монголой, Хитадай, Хальмагай, Эрхүү можын, Забайкалиин хизаарай, Улаан-Үдын, тиихэдэ Буряад ороной аймагуудай түлөөлэгшэд хабаадахаар хүлеэгдэнэ.
Түрүүшын, 7-ной үдэр, 11 сагhаа шэлэн абалга үнгэрхэ, тэндэ харагшад орожо, түлөөhэгүйгөөр хараха аргатай.
Октябриин найманда 18 сагта Гала-концерт. Энэ концертдэ лауреадуудhаа гадна мүрысөөнэй эмхидхэлшэ, Россиин арадай артист Михаил Елбонов, Россиин арадай артист Лариса Егорова, Россиин габьяата артистнар Софья Данзанэ, Олег Бабуев, Буряадай арадай артистнар Намхайн Мөнхзул, Билигма Ринчинова, Буряадай габьяата артистнар Дарима Лубсанова, Чингис Раднаев, Мэдэгма Доржиева гэгшэд хабаадалсаха байна.
Ерээдүйнгөө уран бэлигтэниие дэмжэхэеэ олоороо сугларбалнай hайн лэ байгаал даа. Орохо сэн 300-hаа 500 хүрэтэр түхэригтэ байха.
Асуудалнуудай гарабал иимэ утаhаар холбоо тогтоогооройт: 67-66-57; 222-537
