Энэ хэмжээ ябуулга жэл бүри үнгэргэгдэжэ заншал болоhон, 2013 ондо дахинаа тэмдэглэгдэхэ «Буряад хэлэнэй үдэртэ» зорюулагданхай.
Энэ Долоон хоногой эмхидхэлшэдые нэрлэбэл: буряад Республикын соёлой яаман, Буряад Республикын Толгойлогшын Захиргаанай дэргэдэхи Үндэhэ яhатан хоорондын харилсаанай ба эрхэтэнэй үүсхэл хүгжөөлгын талаар хороон, Буряад Республикын Засагай газар болон Буряад Республикын Үндэhэтэнэй номой hан.
Һайндэртэ зорюулагдаhан хэмжээ ябуулгануудай хүреэлэн дотор дэлгэгдэhэн хэдэ хэдэн номуудай нюур харалга болон үзэсхэлэнгүүд байха гэбэл: «Буряад хэлэн: нэгэ бүрин ба олон ондоо таланууд», «Буряад ороной hэдхүүлнүүд болон hонинууд», «Угаймнай онсо баялиг» (Хуушан монголоор бүтээгдэhэн номууд), «Дэлхэйн уран зохёолшод буряад хэлэн дээрэ».
