Тиигэжэ октябриин 22-ой 14 сагта буряад Республикын арадай поэт Дулгар Доржиевагай «Зуун жэлэй жаргалан» гэhэн номтой танилсалга үнгэрхэ байна. Буряад Республикын «Буряад хэлэеэ хэбээрнь үлээхэ ба саашадань хүгжөөхэ» гэhэн 2011-2014 онуудта хараалагдаhан Гүрэнэй түлэбэй хүреэлэн соо үнгэргэдэhэн буряад хэлэн дээрэ номуудые хэблэхэ «Уран зохёолой юртэмсэ» гэжэ грантын илагша боложо тодороод, автор энэ номоо хэблүүлхэ эрхэдэ хүртэhэн байха юм.
Тиихэдэ октябриин 23-да мүн лэ дээрэ хэлэгдэhэн аргаар номоо хэблүүлхэ эрхэдэ хүртэhэн Буряадай уран зохёолшодой холбооной гэшүүн, Буряад Республикын габьяата багша Нина Артугаевагай «Эдир зурааша» гэжэ номой нюур нээлгын баяр болохо байха.
