Арбан нэгэн тугуудтай хазаар моритоной нара зүб гороолон ерэхэдэ эхилһэн энэ баярта Буряад Республикын засаг газарые түлөөлһэн В. Э. Матханов, Б. В. Жамбалов, Буряадай уран зохёолшодой холбооной түрүүлэгшэ М. Р. Чойбонов, Хориин аймагай болон арбан нэгэн эсэгэтэнэй ажаһуудаг нютаг нугануудһаа түлөөлэгшэд, республикын сэхээтэн хабаадаба. Нээлгын урдахана эрдэм-дүршэлэй бага хурал эрдэмтэд Ш. Б. Чимитдоржиев болон Монголой эрдэмтэн Одмандах, Буряадай уран зохёолшод болон түүхэшэдэй хабаадалгатайгаар үнгэрөө.
…Хун хатан, Наран хатан, Нагаадай, Шаралдай, Бальжан, Шойжод гээд лэ тэдээнһээ хойшонхи үеын түүхэдэ үнгэрһэн хатадай түһөө Наран хатанай үбэртэ мүнхэрһэн энэ хүшөөдэ биил даа, үндэр заяатай, һургаалай ехэ удхатай мүндэлһэн энэ хатамнай хэтын хэтэ нангин үүргэеэ дүүргэжэ, һүн сэржэмээ орон хангайдаа үргэжэл, арад зонойнгоо сэдьхэлдэ арюун бодолой үрэһэ тарижа зосохонь болтогой!
