Хүндэтэ нүхэд, хүндэтэ бага хуралда хабаадагшад!
«Буряад хэлэнэй ерээдүй» гэhэн теэмээр Уласхоорондын бага хуралай нээгдэhэн ушараар та бүгэдэниие амаршалнаб!
Хэлэнэй байгаа сагта арад байха, хэлэнэй үгы hаа, арад үгы. Хүн түрэлтэнэй зохёоhон болбосон байдал, соёл hандаргалга, дэлхэйн нюрууhаа бүхэли арадуудай, гүрэнүүдэй үгы болон хосоролго гээшэ хэлэеэ алдаhанhаал эхилдэг, хэлэнэй өөрын, онсо үүргэhээ арсаhанhаа, бусад хэлэнүүдэй нүлөөндэ булигдаhан ушарhаа эхитэй гэжэ дэлхэйн түүхэ гэршэлдэг. Хэлэеэ алдахадаа арад үндэhэн гуримуудтаа, соёлдоо анхаралаа гээдэг, тэдэниие бусад арадуудай дунда илгажа танихын аргагүй болодог.
2005 ондо ЮНЕСКО гэдэг Бүхэдэлхэйн байгуулга буряад хэлые үгы боложо байhан хэлэнүүдэй тоодо оруулhан байгаа, энэнь, минии hанахада, зүб алхам хэгдэhэн байна. Мүнөөдэр буряад хэлэмнай олон яhата ород болон буряад соёлой таhаршагүй хуби гэжэ, энэ асуудалайнгаа холо ябашоогүйдэ, саг дары хэмжээ абаха тон шухала.
Буряад хэлэ hэргээхэ болоод хүгжөөхэ хэрэгтэ түлхисэ болохо хуулиин дансанууд байгуулагдана. Гэбэшье эдэ болон бусад хэмжээнүүд үшөөл багадана гэжэ hайн ойлгонобди. Тиимэhээ бага хуралай дүн гансашье Россиин заншалта Сангхын түлөөлэгшэдэй, эрдэмтэдэй, багшанарай, Буряад Республикын, Забайкалиин хизаарай, Эрхүү можын, Монголой болон Дотор-Монголой соёлой ажал ябуулагшадай hанал бодолнуудаараа хубаалдалга болоод хэлэнэй саашанхи хуби заяан тухай хөөрлдэлгэ болоод лэ үлэхэгүй бэзэ, Засагай болон ниитын газарнуудта зохихо хэмжээ ябуулгануудые үнгэргэхэ дурадхалнууд орохо байха гэhэн найдал байна.
Аша үрэтэйгөөр ажаллажа, буряад хэлэеэ аршалха болоод хүгжөөхэ хэрэгтэ горитой хубитаяа оруулха бэзэт гэжэ найданаб!
Хамаг hайниие хүсэгшэ,
Гүрэнэй Дүүмын байгаалиин баялигуудай,
тэрэниие ашаглалгын болон
тойронхи оршон хамгаалгын
Хорооной Түрүүлэгшын орлогшо М. В. Слипенчук
