Даша-Нима Дугаров уран зурагай hургуулиин заншалта эрилтэнүүдые үндэhэн сэдьхэлээрээ сэгнэжэ ажалладаг манай үеын гайхамшагта уран зурааша байгаа. Тэрэнэй ганса уран зурагай талаар габьяае гүрэн түрэ үндэрөөр сэгнэжэ, Россиин арадай уран зурааша гэhэн үндэр нэрэ зэргэ олгоhон байгаа, тиихэдэ Даша-Нима Дугарович гансал зурагуудаараа дашуураад hуужа байгаагүй, айхабтар ехэ ниитын ажал ябуулгада бэеэ зорюулжа, яhалахан туйлалтануудые дабаhан байдаг. Бүгэдэ Буряадай үндэhэн соёлой эблэлэй эхин дээрэhээ хамсыгаа шамажа оролсоод, хэдэн жэлнүүдэй туршада энэ эмхиин юрэнхылэгшын тушаал миин лэ эзэлжэ hуугаа бэшэ, горитойхон ехэ юумэ хэжэ, туйлажа гараhан хүн байhан юм. Тиихэдэ 1970-дахи онуудhаа эхилжэ уран бүтээлдэ hэдэбтэй хүнүүдые суглуулжа, тэдэнэй ажал хүдэлмэриие тогтонижонги болгожо гуримшуулhан, «Буряад зураг» гэжэ бүлэг байгуулжа, шэрэ-будагуудаа өөhэдөө буйлуулхаhаа гадна, үндэhэн зуралгын гуримуудые тодорхойлнод. Мүнөө энэ бүлгэмыень тэрэнэй хүбүүн, Буряад Республикын габьяата уран зурааша Зандан Дугаров толгойлдог.
Тус үзэсхэлэн гараха жэлэй нэгэдүгээр hарын hүүл болотор дэлгээтэй байха.
