Боро элдэжэ амhартаhаа захалаад элдэб бусад хэрэгсэлнүүдые бүтээхэ үйлэдбэриин хүгжэлтын түүхэ харуулhан энэ үзэсхэлэн дээрэ олон hонирхолтой зүйлнүүд, тэдэниие бүтээхэ онол арганууд үргэнөөр харуулагдаха. Тэндэ энэ үйлэдбэриин эхин дээрэ дэлгэрэнги байhан аргаар – бороор бүтээгдэжэ, түүдэг соо галдагдажа хатаагдаhан, тиин, хожомоо нарин аргаар шаажан болгогдоhон зүйлнүүдтэй танилсаха аргатайт. Бүри урдандаа Хитадта, Наран зүгэй орондо, Баруун Европодо, Орос гүрэндэшье бүтээгдэн хэрэглэгдэжэ байhан, түүхэшэдэй малталгануудай үедэ олдожо гаргагдаhан шаажан зүйлнүүд дэлгэгдээ. Тэндэнь гансашье амhартанууд бэшэ, шажанай хэрэгсэлнүүд, гоёлой зүйлнүүд байха.
Нарин ажалай гоё hайхантай ушаржа, шаажан зүйлнүүдэй шэхэндэ дуулдашагүй хэтын хүгжэм шагнахыетнай Буяадаймнай түүхын зүйлнүүдые дэлгэдэг ордон урижа байна.
