Янжама Васильевна энэ номоо бэшэхэдээ Орос болон хари гүрэнүүдэй судар бэшэгүүдэй абдар ханзануудаар бэдэрэлгэ хэжэ, тэрэниие мэдэхэ үндэр наhатанаар хөөрэлдөөнүүдые эмхидхэжэ горитой ехэ ажал хэбэ гэжэ онсолон хэлэмээр.
Ном дүрбэн бүлэгhөө бүридэнэ: Нэгэдэхинь – юрэ бусын иимэ ушарал хаанаhаа эхитэйб; хоёрдохинь – Этигэлэй Хамбын наhанай намтар; гурбадахинь – бусажа ерэлгэ; дүрбэдэхинь – тэрэнэй захяанууд.
Эндэ шажанай болон заншалта эрдэмэй ажал ябуулагшадай hанал бодолнууд, тиихэдэ Орос ороной шүүлгын талаар эмшэ-мэргэжэлтэдэй шэнжэлгэнүүдые ээлжээлhэн саг болзор болон дансанууд оронхой. Энэ хадаа hүлдэ-юртэмсын болон бодо-юртэмсын таhаршагүй холбоотой байдаг ушар үндэhэтэй гэhэн баримта болоно гээд эрдэмтэд бэшэнэ. Тииhээр Этигэлэй Хамбын шажанай талаар ажал ябуулганууд шэнжэлгын ехэ хүдэлмэринүүдэй үндэhэн болохо байха гэhэн бодолнууд номой нара харалгын үедэ тэмдэглэгдэбэ.
