Эгээл тэрэ үедөө буулгагдаhан түрүүшынь мультик «Сагаалган» гээд нэрлэгдэжэ, сэнхир дэлгэстэ гаранхай. Энэ хүдэлмэриие Евгений Метальников hанаашалан дурадхаhан, hэдхүүлшэ Игорь Озеров зохёожо, уран зураашад Евгений Пушин Андрей Банзаракцаев гэгшэд хүдэлдэг юм.
Энэ зохёохы бүлэгэй хойшодоо гаргахаар бэлдэжэ байhан фильмнүүд гэбэл: Буряадуудай бии болоhон тухай, Чингисхаанай ажаhуудал, ябадалнууд, Хори буряадуудай Абай хаанда ошоhон тухай, Хасагуудай манай хотын hуури табиhан тухай, Хаан тайжын Буряад орон ерэhэн тухай, Шэмээшэгүүдэй Байгал шадар бии болоhон тухай г. м. хэдэн мультигууд сагаа хүлеэнхэй байна. Һүбэлгэн эгэшэ дүү Таня Вова хоёр, тэдэнэй аба, эжы, Ошор үбгэжөөл болон бусадта энэ фильм соо ами оруулжа, Буряад театрай артистнар хабаадлсана. Түрүүшын мультигта Буряадай габьяата артист Баяр Бадмаев, залуу артистнар Ада Ошорова Люда Тугутова хоёр наадаа бэлэй. Байн бэшэ мультигуудайнь гаража ерэхэ саг дүтэлhэн байха, хүлеэгээд байял даа.
