ШЭНЫН НЭГЭНДЭ МҮР ГАРГАХА ЁҺО ҺЭРГЭЭЕ

ГАЛ СУУДАЛ

Зүүн урд зүгт гарч урдаас ирнэ. "Ум базар дагийний хум мама бизьяа суухаа" уншах. Галд ус өргө. Чүдэнз зураад ус цасаар унтраа. Улаан өнгийн эд хувцаснаас болгоомжилж, өвс шарлах үеүдэд анхааралтай байгаарай.

ШОРОО СУУДАЛ

Баруунтай гарч, баруун урдаас ирнэ. "Ум бадма дагийний хум мама бизьяа суухаа" уншах. Газарт модны үртэс цац. Чулуу шороо хөдөлгөнө. Агаарт цаас хийсгэж бас болдог. Үнэт эдлэл шар өнгийн сав суулга дэмий. Газар ухах, мод тасдах, чулуу ховхлох үйлийг цээрлэвэл зохистой. Жалганы ам харлах хаврын саруудад анхаараарай.

ТӨМӨР СУУДАЛ

Баруун урд зүгт гарч, баруунаас ирнэ. "Ум радна дагийний хум мама бизьяа суухаа" уншах.  Жижиг гал гаргаад төмөрт хүргэ. Төмрийн зүйл хая. Төмөр эдлэл хутга мэс бүү ав. Ариун бусын идээ ундаа тэвч. Гол ус зайрмагтаж хөлдөх үед анхаараарай.

ОГТОРГУЙ СУУДАЛ

Зүүн хойд зүгт гарч баруун хойноос ирнэ."Ум дорж пагма дагийний хум мама бизьяа суухаа" уншах. Огторгуйд модны үртэс цац. Агаарт цаас хийсгэж, шороо чулуу хөдөлгөж болдог юм байна. Амьтны амь бүү тасд, нохой ба шар өнгийн эд авахыг цээрлэн, уул хаданд авирахдаа болгоомж­лоорой. Газар хөлдөх үеэр анхаараарай.

УС СУУДАЛ

Урд зүгт гарч хойноос ирнэ."Ум гарма дагийний хум мама бизьяа суухаа" уншах  Ус асгаад дээгүүр нь алх. Хар шар өнгийн эд зүйлээс болгоомжилж гахай загас идэхээ тэвч гэж зөвлөх байна. Хур борооны улиралд анхаараарай.

УУЛ СУУДАЛ

Баруун хойд зүг рүү гарч зүүн хойноос ирнэ. "Ум будда дагийний хум мама бизьяа суухаа" уншах. Ууланд хандаж модны үртэс цац. Чулуу шороо хөдөлгө. Ан ав хийх, нойтон мод тасдах, бохир идээ ундааг тэвчиж, хар өнгөтэй малгай бүү өмс гэж бичжээ. Өвс хатаж газар хөлдөх үеэр анхаараарай.

МОД СУУДАЛ

Хойд зүг рүү гарч зүүн зүгээс ирнэ. "Ум базар дагийний хум мама бизьяа суухаа" уншах. Мод хугалж хаяна. Хөх өнгийн эд зүйл дэмий. Хэл амнаас болгоомжилж хутга мэсний зүйлээр бүү оролдоорой. Мод гөлөглөх үеэр анхаараарай.

ХИЙ СУУДАЛ

Зүүн тийш гарч зүүн урд зүгээс ирнэ."Ум базар пад дагийний хум мама бизьяа суухаа" уншах. Цаас урж хийсгэнэ. Мөн чулуу шороо хөдөлгөж болно. Хэрүүл мар­гааныг тэвчиж, шар өнгийн эд хувцас авахдаа болгоомжлоорой. Хавар намрын цагаар ан­хаараарай.