Цыренжаб Сампиловай нэрэмжэтэ уран hайханай зүйлнүүдые дэлгэдэг газарта хоёрдугаар hарын 6-да 14 сагhаа «Олимпиин нааданууд – найрамдалай нааданууд» гэhэн үзэсхэлэн нээгдэхэ. Энэ хадаа Буряад Республикын үндэhэтэнэй зүйлнүүдые дэлгэдэг Байшан болон түрэлхидтэ зорюулагдаhан «Шпаргалка» гэжэ сэтгүүл хоёрой хамтын түлэб болоно. Эндэ хүүгэдэй сэсэрлигүүдhээ захалаад, hургуулинууд болон тусхай уран зурагай hургуулинуудhаа 400-гаад хүдэлмэринүүд дэлгэгдэхэ. Энэ үзэсхэлэнгэй гол зорилго гэхэдэ ургажа ябаhан залуу hүрэгэй хоорондо элүүр энхэ ажаhуудал нэбтэрүүлхэ, тамирай аргаар эхэ орондоо дуратайгаар хүмүүжүүлхэ гэжэ эмхидхэгшэд тоолоно.
Үзэсхэлэн нээлгын баяр ёhололдо республикымнай мэдээжэ тамиршад хабаадахааар хүлеэгдэнэ.
