Ниислэл хото Улаан-Үдын Оперо болон балеэдэй театрай дэргэдэхи талмай дээрэ эхилhэн энэ ёохорто Буряадаймнай аймагууд, Россиин 38 хотонууд, тиихэдэ буряадуудай ажаhуудаг дэлхэйн арба гаран гүрэнүүд хамтаржа, найрамдалай ехэ дүхэриг байгуулба.
Алтай, Хангай, Мундаргаар,
Арюун далай Байгалаар,
Ойхон баабай, Алханаар
Омог дуугаа дуулалдаад,
Алтан дэлхэй бїhэлжэ,
Алдар солоо дабтая!
Агуу ехэ найрамдал
Аази тїбеэр лаблая!
Наран доро дэлхэй дээр
Найлгай байдал зохёогоод,
Наадан, дуулан, зонуудаа
Наартай гоёор эблїїлээд,
Алтан дэлхэй бїhэлжэ,
Алдар солоо дабтая!
Агуу ехэ найрамдал
Аази тїбеэр лаблая!
Алтан дэлхэй бүhэлжэ энэ ехэ дүхэригтэ гарахадаа, нютаг оронhоонь холо ажаhуугшад тоонтотойгоо холбоо барисаагаа таhалаагүй, ухаан бодолоороо маанартайгаабди гэжэ харуулбад ха юм. Европын хотонуудай нэгэндэ, хотын талмай дээрэ дүрбэн хүнэй гарашоод ёохорложо байхые хараад, одоол уярхаар байба, аяар тиишээ, газарай захада ябашоод, юугээ бодожо, юугээ хөөрэлдэжэ ябаад ёохорлоошод юм ааб даа гэмээр,.. теэ хэрэгтэйл юм ха юм даа, нютагай татаса гээшэ юунhээшье хүсэтэй байдаг гээбы.
Энэ ехэ ёохорой Улаан-Үдэ хотодо эхиеэ абахада республикымнай, ниислэл хотымнай хүтэлбэрилэгшэд, В. Наговицын, М. Гершевич, А. Голков болон бусад эбтэй дүхэригтэ оролсонхой, арад зонтойгоо нэгэн бололсоод хатаржа байхыень харахада хабатай байна бэлэй.
Юhэн тугаар хурылаад,
Юугээр сэнтэй наадам даа?!
Мїнхэ жаргал заяагаад,
Мїшэд манаар наадаг даа!
Алтан дэлхэй бїhэлжэ,
Алдар солоо дабтая!
Агуу ехэ найрамдал
Аази тїбеэр лаблая!
