Энэ шуулга 1992 ондо анхан байгуулагдаhан, нүүдэлшэ монголой шэдитэ хүгжэм дэлхэй дээгүүр дэлгэрүүлхэ зорилготойл байгуулагдаhан байгаа бэзэ, үнэхөөр тиимэл hаа, ондоо ямар зэмсэг энэ хүсэл эрмэлзэлые бэелүүлжэ шадахаб даа…Энэ шуулга тогтоhон сагhаа хойшо дэлхэйн ехэ гүрэнүүдээр, тэдэнэй ниислэл хотонуудаар үндэhэн хүгжэмөө дэлгэрүүлэн ябажал байдаг. Улаан-Үдэшье хоёр удаа ерэжэ ошоhон байха, хууршадай хүгжэм доро манай дуушад Дугаржаб Дашиев, Ким Базарсадаев, Чимита Шанюшкина гэгшэд дуулаhан юм ха. Энэ хадаа 1995 он байгаа, мүнөө дэлхэй түбеэр дэлгэрэн дэлгэстэ гаража байдаг фильмнүүдэй хүгжэм наадаха арга нүхэсэл байгуулhан энэ щуулга яhала мэдээжэ болонхой.
Хүндэтэ харагшад, оройдоол хоёр үдэрэй туршада мэдээжэ энэ шуулга хараха, шагнаха аргатайт, зорижо ошоо болобол, тэндэ орхиhон сагаа хэзээдэшье шаналхагүй байhантнай одоол эли, ошогты, хүндэтэ нүхэд, сэдьхэлээрээ амархат…
