Мүнөө сагай эрилтээр урданаймнай сэсэн мэргэн hургаал, ёhо заншал, арадай аман зохёол ехэ анхарал татадаг болоhон гээшэ ааб даа. Ерээд байhан энэ сагта залуушуулдамнай буряад арадай дуунууд, ёхорнууд – гансал тайзан дээрэ боложо байдаг үзэгдэл. Наhатай зонhоо дуулахада, үдэр буриин байра байдал ба арадай аман зохёол гээшэ нэгэл холбоотой байhан байна. Тиимэhээ, мүнөө бидэ арадай дуун, хатар соо хүнэй үдэр бүри хаража, хэрэглэжэ байhан үйлэ хэрэг мэдэрнэбди. Эндэhээ болоод минии hанаан хадаа арадай дуунууд соо ажабайдалай шухала, үнэн ба гүнзэгы удха уншагдадаг.
Энэ ушараар, «Байгал» театрта жэлэй хугасаа соо ехэ бэлэдхэл боложо байна. Июниин долоондо Буряад театр соо «Арадай дуунуудай гое…» гэhэн шэнэ проект захалхань.
– Иимэ ажалай ябуулагдажа байгаа сагта арадаймнай түүхэ, ёhо заншал, аман зохёол мартагдахагүй, угаймнай утаhан таhархагүй, – гэжэ проектын хутэлбэригшэ Алдар Дашиев хэлэнэ. Энэшье зүб, ургажа байhан залуушуулай түрэл хэлэеэ үгэлхэшье шадал үгыень харахадаа сэдьхэл үбдэнэ. Энэ алдуутай тэмсэгшэдэй нэгэн – «Байгал» театр болоно. Үнэхөөрөөшье, арадай дуунай талаар буряад хэлэеэ hэргээжэ, ёhо заншалаа дахуулжа ябаhан удаадахи үетэндөө дамжуулха аргатай байна гээшэбди.
Амалан хэлэхэ болоо hаа, наадан соогоо дуушад арадайнгаа дуунуудые дуулахадаа үнөөхи микрофон хэрэглэнгүй, нэгэдэхи хуби соонь, томо ехэ оркестр оруулангүй тон лэ хэрэгтэй нэгэ хэды хүгжэмшэдөөр наадаяа түлөөлхэ. Юундэб гэхэдэ, арадай дуунуудаа хүнэй сэдьхэл хүрэтэр хүргэхын тула байhан лэ шэгтэнь, эжы абынгаа дамжуулhаар харуулха хэрэгтэй. Минии бодолдо энэ наадан концертнуудhаа ондоо байха гэжэ тухайлнаб. Үбгэ эсэгэнэрэйнгэй үлээhэн хуушан аудиозапись оложо, тиихэдэ газар газарайнгаа өөрын үнгэтэй арадай дуунуудые малтажа гаргаад, мүнөө таанадта үзүүлхэеэ бэлдэжэ байна гээшэ.
