Мүрысөөнэй гуримаар үнгэрхэ энэ ехэ наадан үндэhэн арадуудай соёлой бэе бэенэйнгээ нүлөөн доро хүгжэхын, арадай уран бэлигтэниие дэмжэхын, арадуудай бэе бэеэ зүбөөр ойлгожо, беэ бэендээ хүлисэлтэй байхын түлөө эмхидхэгдэнэ. Россиин Федерациин болон Буряад Республикын соёлой яаманууд эмхидхэн байгуулагшад боложо, гүйсэдхэгшэнь республикын Арадай уран бэлигтэнэй түб болобо.
Ехэ нааданай гуримаар энэ хэмжээ ябуулгада уран hайханай бүлгэмүүд, тиихэдэ ганса нэгээрээ гүйсэдхэгшэд уригдана, наадан «Арадай хатар», «Арадай дуунуудые гүйсэдхэлгэ» гэhэн хоёр зүйлөөр үнгэрхэ юм.
Мүрысөөнүүдтэ илажа гарагшад түгэсхэлэй нааданда хабаадаха, тэрэнь июниин 22-то үнгэрхэ байна. Илагшадта хүндэтэ Үргэмжэнүүд, Баярай бэшэгүүд, үнэтэ бэлэгүүд гардуулагдахаар хараалагданхай.
Буряад орондо 167 яhатан ажаhуудаг, 35 үндэhэн соёлой түбүүд байгуулагданхай.
Тиигэжэ июниин 22-то 18 сагта Буряад театрай танхим соо ерэжэ харахыетнай уринабди.
Асуудал гарабал иимэ утасаар холбоо тогтоожо асуугаарайт:
22-25-37; 8 914 984 55 89.
