Июлиин 5-да 14 сагhаа МОРИ УРИЛДААН Дээдэ-Ивалга тосхондо, Ивалгын дасанай мори урилдаанай талмай дээрэ үнгэрхэ.
Удаань, июлиин 6-да, Сэлэнгын эрьедэ шэнээр мүндэлжэ бодоhон соёлой болон тамирай наадануудай талмай дээрэ энэ хэмжээ ябуулга 10 сагhаа эхилжэ үнгэрхэ.
Нёдондо жэлhээ наhан үеэрээ нэрлэжэ ябаhан Сурхарбаанаймнай нэрэнь hэлгэгдэжэ, бүхы монгол хэлэтэ арадуудай нэрлэдэгээр «Наадан» гэhэн нэрэтэй болгогдоо, даб дээрээ «Наадан-Сурхарбаан» гэжэ нэрлэгдээд, республикымнай соёл болон урлалай, тамирай (Эрын гурбан наадан) түлөөлэгшэд дүрбэн зүг найман хизаарhаа Нааданай талмайда сугларха байна. Тиигэжэ энэ жэлэй дүрбэн тэгшэ Наадан наярха.
Мүнөө жэлэй НААДАН ямар хубинуудhаа бүридэхэ юм гэбэл:
10 сагта – бүхэ барилдаагаар, hур харбалгаар, туухай (гиря) үргэлгөөр мүрысөөнүүд.
12 сагhаа – үндэhэн буряад нааданууд: hээр шаалган, шагай наадан, буряад шатар, ташуур таталга.
14 сагhаа – «Ёохор наадан» – залуушуулай мүрысөөн.
17 сагта – мүрысөөнүүд болон үндэhэн наадануудай түгэсхэлэй шатанууд.
19 сагта – Буряадай соёлшод болон урлалшадай ехэ концерт.
Айлшад болон харагшадые үндэhэн буряад наадануудта hургаха арга зохёогдонхой, тэдээндэ хабаадалсахада болохо.
Заншалта буряад эдеэ хоолшье дэлгэгдэхэ юм ха.
Асуудалнууд гарахадаа болохо, тэрэ ушарта 21 44 68 дугаарай саана танай асуудалнуудта харюусахаар бэлэн мэргэжэлтэд хүлеэжэ байха ёhотой.
