Мужыхынгаа дунда һургуулиие дүүргэһээр, П.И.Чайковскиин нэрэмжэтэ хүгжэмэй тусхай дунда һургуулида орожо һуралсаа. Тэрэнээ түгэсхөөд, Байгалай үмэнэхи можын Гүрэнэй үндэһэтэнэй “Амар сайн” гэһэн дуу хатарай театрта хүдэлжэ эхилээ. Оршон үедэ Роксана – Зоригто ба Нонна Тогочиевтанай эстрадын театрта хүдэлжэ байнхай.
Байгша хабартаа “Хори-хатан” гэһэн дурасхаалта хүшөөгэй барилгада хандиб үргэлгын һайн дуранай марафондо сугларһан зон бэлигтэй дууша басагые һанажа абаһаниинь лабтай – тэндэ Роксана “Нютаг” гэһэн дуу эрхимээр гүйсэдхэһэн байна.
Роксана Санданова –Уласхоорондын “Кремлиин одохонууд” (Москва хото) ба арадай дуунай “Алтан гургалдай” (Буряад орон) гэһэн мүрысөөнүүдэй лауреад юм.
