Хүндэтэ нүхэд!
Хадын боорёор ургадаг алтарма һөөгые таанар хэзээ нэгэтэ обёороо һэн гүт? Алтаргана – хюдашагүй ами наһанай хүсэтэ охёор дэлбэрһэн гайхамшаг ургамал.
Алтарһан мүшэрхэнүүдынь хухалха бүриш үшөө хүсэтэйгөөр һалбаран, яажашье һаа амиды үлэхэеэ үсэдөөр тэгүүлхэ. Буряад зоной сэдьхэлдэ “аса бүхэтэй алтаргана” хамагые илаһан хэтэ аминай һүр һүлдэ гээшэл даа!
“Алтаргана” ехэ наадан – буряад арадай нэгэдэлгын һайндэр, соёл болбосоролые хамтаруулан, урма зоригоор бадаран хүгжэхын эшэ үндэһэн гээшэ. Буурай һайхан Буряад дайдаарнай бэлигэй дээжэдэ хүртэһэн зон үе бүридэ гаражал байдаг, тэдэнэй уран шадабари зоной сэдьхэлдэ зула бадарган, дээдын урлалай одоор ялардаг.
Буряад үндэһэтэнэй Уласхооорондын XI “Алтаргана” ехэ нааданда хабаадагшадые халуунаар амаршалаад, мүнхэдөө нангин Монголой талада айлшаар бууһан Буряад ороной түлөөлэгшэдтэй танилсуулхамнай. Бидэ суг хамтынгаа ехэ түүхые, агуу заншалые ойндоо тахин, хүндэлэл, хайра, омогорхолойнгоо һүлдэ болгон тон һайнаа Тандаа асаржа ерэбэбди. Аса бүхэтэй алтарганын үндыжэ дээшээ ургаһандал, хоорондымнай харилсаа холбоон, ёһо заншалнай, нэгэдэлнай улам бэхижэн мандаха болтогой!
Буряад Уласай соёлой яаманай сайд Т. Г. Цыбиков
