Шажанай барилгада найман янзын субарганууд байдаг гэнэ. Тэдэниие бодхооходоо жэншэдгүй сахиха онсо өөрын гуримтай юм. Ямар нэгэн шажанай ехэ ажал ябуулагшада гү, али үндэр нэрэтэй бурхадта зорюулагдажа бодхоогдоhон субарганууд Буряад орон соогуур олон, тиихэдэ hүүлэй үедэ угай субаргануудшье баригдажа захаланхай.
Энэ hарын 29-дэ 18 сагта Буряад театрай ордон соо Зүгдэр Намжалмаа бурханай субаргын арамнайн концерт-наадан болохоор хүлеэгдэнэ. Энэ нааданда Буряадай арадай артист Билигма Ринчинова, мэдээжэ дуушад Бадма-Ханда Аюшеева, Бүтидэй Дондог-Сэрэн, Сэсэг Аюшеева, Дарима Цырендондопова, Галсан-Нимын Гандиг болон бусад, тиихэдэ Зүүн зүгэй арадуудай «Лотос» шуулга хабаадаха байна.
Һонирхоhон зоной анхаралда утасын дугаар үгэнэбди, гараhан бүхы асуудалнуудтаа харюу бэдэрбэл 22 25 37; 8 914 050 20 46 дугаарнуудаар холбоо тогтоожо асуугаарайт.
