«Эхэ хэлэн» гэһэн хуби соо ниитэ дээрээ шалгалтын, хиналтын дасхал, даабаринууд 2 075 болоо, хуушан ном соомнай 1 390 даабари байгаа. Сээжэ бэшэг тухай хэлэбэл, 59 байһан диктант дээрэ нэмэжэ 164 сээжэ бэшэгтэй болгообди. Үшөө шэнэ юумэн гэхэдэ, багшанар мүнөө эндэ байһан даабаринуудта өөрынгөө бэшэһэн даабаринуудые нэмэжэ шадаха арга боломжотой болоо.
«Багшын дүршэлһөө» гэһэн хубидамнай урдань гурбан гаршагтай багшанарай 28 хүдэлмэри байбал, мүнөө багшанарай 334 хэшээл, элдэб янзын методическа хүдэлмэринүүдые 7 бүлэг болгожо хубааһан байнабди:
Буряад хэлэн – түрэлхи хэлэн,
Буряад уран зохёол,
Буряад хэлэн – гүрэнэй хэлэн,
Буряад хэлэн бага ангиин хэшээлнүүдтэ, хүүгэдэй сэсэрлигүүдтэ,
Ангиһаа гадуурхи хүдэлмэри болон
Буряад хэлэнэй хүтэлбэри, программанууд,
Олимпиадануудай асуудалнууд гэһэн долоон бүлэг болоно.
«Буряад юртэмсэ» гэһэн ехэ хуби соомнай дүн хамта 1 600 үгүүлэл (статья) болоо. Хуушан ном соомнай 453 үгүүлэл байгаа. Ехэ олон шэнэ гэрэл зурагуудые оруулһан байнабди, буряад түрэ найрта, буряадуудай ажамидаралда хабаатай; олон ондоо һэдэбтэй статьянууд бии болоо: нэгэ хэдые нэрлэбэл:
Буряад-монгол хэмжүүр,
Зүүдэн зүнтэй,
Тоогой бэлгэ тэмдэгүүд,
Үнгэ будаг,
Муу ёро,
Һайн зүнгэй шэнжэ,
Уламжалалта байдалай зурагай толи.
«Уран үгын абдарһаа» гэһэн хубида шэнэ юумэн гэхэдэ – уран зохёолой һорилгонуудые (тест) оруулаабди. Буряад хэлэ үзэжэ байһан һургуулиин программада ороһон зохёолнуудаар бэлдэһэн тестнүүд. Тиихэдэ буряад арадай ажамидаралда хабаатай тестнүүд байха.
«Уран бэлигэй дээжэһээ» гэһэн хубидаа байһан зурагууд дээрээ үшөө олон зурагуудые нэмэжэ оруулаабди. Тиигээд бүри һонирхолтой юумэн гэхэдэ, эндэ манай буряад уран зохёолшодой, уран зураашадай, хугжэмэй зохёолшодой, тайзанай бэлигтэнэй гэрэл зурагуудые олоор суглуулжа оруулаабди. Мүн Буряад-Монголой солотон гэһэн бүлэг соо буряад арадайнгаа түрүү хүбүүдые шэлэжэ оруулһан байнабди. Эхиндэнь, мэдээжэ эрдэмтэд, тиигээд Буряад Уласые байгуулһан хүнүүдые, мүн тиихэдэ мүнөө үеын Буряад арадай эрхим хүбүүдэй тоодо Бидия Дандарон, Владимир Саганов, Евгений Егоров, Бата Баяртуев гээшэдые оруулһан байнабди.
Энэ бүхы ажалые олоороо сугларжа хэһэн байнабди. Маанадтай суг ИМБИТ, БГУ, БИПКРО, һэдхүүлшэд, уран зохёолшод, һургуулиин багшанар гээд олон зон боложо, энэ ажалые ябуулһан байнабди. Саашадаа энэ ажалаа бидэ үргэлжэлүүлжэ, заатагүй багшанарта хүргэхэбди.
Buryadxelen.com гэһэн сайт дээрэ энэ номоор гараһан бүхы асуудалнуудта харюунуудые үгэжэ байхабди гээд найдуулая.
Анхарагты! Тус һураха бэшэгые компьютерта һуулгажа ажаллуулхын тула Интернедтэ холбогдожо эдэбхижүүлхэ хэрэгтэй. Интернедтэ холбогдохо аргагүй һаа, утаһаар холбоо барижа, эдэбхижүүлхэ дугаар абажа болохо.
Cахим һураха бэшэг Үндэһэтэнэй номой һанда худалдан абахада болохо.
