Буряад хэлэеэ абарха, аршалха, алад саашань хүгжөөхэ, тиихэдэ буряад хэлэн дээрэ бэшэхэ хүнүүдые элирүүлэн дэмжэхэ зорилготой мүрысөөе hанаашалан зохёон байгуулагша Буряад Уласай Соёлой яаман, эмхидхэн гүйсэдхэгшэ Буряад Уласай арадай уран бэлигтэнэй түб.
Энэ мүрысөөндэ буряад хэлэн дээрэ бэшэдэг хүн бүхэн хабаадаха эрхэтэй. Зүжэгүүд гурбан жэлhээ саана бэшэ хугасаада бэшэгдэhэн байха ёhотой. Мүрнүүдэй хоорондын зай «Times New Roman» дээрэ 1,0, үзэгүүдэй 12 pt хэмжүүрээр 20 нюурhаа дээшэ байха эрилтэтэй.
Урдандаа хаана нэгэ тээ хэблэгдэhэн гү, али табигдаhан, мүрысөөндэ хабаадагша нюурhаа ондоо хүнэй бэшэhэн зүжэгүүд абтахагүй.
Илажа тодорогшодто мүнгэн шагналнууд барюулагдаха. Нэгэдэхи шагнал – 60 000 түхэриг, хоёрдохи – 50 000 түхэриг, гурбадахи шагнал – 40 000 түхэриг.
Зүжэгөө эльгээхэдээ өөрынгөө нюур зааhан баримтануудые эльгээлсэхэ гэбэл: обог, өөрын нэрэ, эсэгын нэрэ, түрэhэн үдэр, hара, жэл, эрдэм, мэргэжэл, наhанай хуряангы намтар, хаяг, гар утаhанай дугаар, сахим хаяг, нюур зааhан дансын үндэhөөр хаяг, ИНН, СПС-эй дугаар.
Мүрысөөнэй харалгада ороhон зүжэгүүд hөөргөө эзэндээ бусаагдахагүй.
Байгша оной юhэн hарын 4-hөө арбан hарын 31 болотор rcntbur@mail.ru гэhэн электрон хаягаар, үгышье hаа Улаан-Үдын Красногвардейская гудамжын 32-дохи гэртэ сахим-дэбтэр (флешка) соо асаржа тушаахада болохо.
Арадай уран бэлигтэнэй түбтэ холбоо тогтоожо, таанарые хүлеэн абаха нюур Токуренова Нина Гармаевна.
Утас: 8 3012 45 53 25; 8 908 591 84 99;
Факс: 8 3012 45 56 40; 45 51 35.
