Эдэ дуунуудай дискын нара харалгын hайндэр хабар филармониин танхим соо үнгэрөө бэлэй. «Буряад-монгол арадайнгаа эдир үетэндэ зорюулан бүтээһэн тус дискмнай үргэн дэлисэтэйгээр олон түмэндэ хүртэжэ, хүүгэдэй мэдэрэлые далижуулан, эхэ хэлэеэ шудалжа, би буряад хүнби гэжэ омогорхон, орон нютагаа, эхэ байгаалияа хайрлажа, сэгнэжэ һурахадань туһа болог» – гэжэ проектые һанаашалан хүтэлбэрилһэн Жанна Дымчикова дискын хэблэгдэхэдэ хэлээ бэлэй.
Эдир дуушадай «Мүнгэн хонхонууд» гэhэн студиин хүтэлбэрилэгшэ Сэсэгма Ринчинова, дуунуудай бэшэлгые студидэ ударидагша Сарантуяа Жалцанова болон абяа найруулагша Николай Силин гэгшэдэй шагнагшадтаа хандалга соо иигэжэ хэлэгдэнэ: «Буурал хангай дайдымнай сахюусад бурхад, буурашагүй һүлдэтэ араднай хөөрхэн жаахан хүүгэдэйнгээ хүгжэм дууе соносожо баясан, шэг шарайгаа сэлмээжэ, сэдьхэл бодолоор тэнииг лэ. Тусхайлан хэлэбэл, манай зохёохы бүлэгэй гэшүүн бүхэн: уран шүлэгшэн гү, хүгжэм зохёогшо гү, багша гү, али аранжировко хэгшэд гү – бултадаа энэ ажалаа үнэн сэдьхэлһээ оролдожо бүтээгээ. Багашуулнай эхэ нютагайнгаа нэрэ хүндыень үргэжэ, һалбаран хүгжэхэ хэрэгтэнь туһа нэмэриеэ оруулха, хаанашье арад түмэнөө түлөөлхэ шадалтай түгэлдэр баатарлиг зон болоһой гэжэ үреэн этигэнэбди. Хүхюун, дорюун буряад-монгол хүүгэдэй аялга дуунууд бүмбэрсэг дэлхэйдэ хэзээдэшье зэдэлэг лэ!»
https://www.youtube.com/watch?v=WZS1Ppr-_MA – иимэ хаягаар даража харагты.
Найруулагша Баярма Жалцанова энэ ажалые хүтэлбэ, хабсаргагша Александр Захаров
Компьютерэй графика Уудам, Юрөөлт, Ананд GROVE entertainment, Улаанбаатар хото. Зураг буулгагшад Александр Захаров, Александр Байбородин, Булат Жигмитов, Эдуард Бубеев, Валерий Чойдопов.
Түсэл бэелүүлхэдэ туһа хүргэгшэд:
– «Мир-Бурятия» телевидени
– Буряад Уласай Засагай газарай Үндэһэ яһатан хоорондын харилсаанай ба эрхэтэнэй үүсхэл хүгжөөлгын талаар хороон
– Буряад Уласай Арадай Хуралай депутат Баир Цыренов
– Х. Намсараевай нэрэмжэтэ Буряад театр
– «Кэпитэл молл» худалдаа-зугаасалгын түб
– «Юбилейный» сэсэрлиг
