Хүндэтэ нүхэд!
Он жэлнүүды дабажа,
Олон арад эблэрээд,
Сэнхир номин Байгалай
Сэсэг ногоон эрьедэ
Гайхал болон мандаhан
Гүрэн түрэ байгуулhан
Арадуудай харилсаан
Алас холын түүхэтэйл...
Yнгэржэ байhан жэлнай Орос гүрэн дотор «Соёлой жэл» гэжэ соносхогдоо бэлэй. Соёлой hалбарида мүнгэнэй хэды багааршье hомологдожо байгаа hаа, манай соёлшод гайхамшагта туйлалтануудые дабажа гараа гэжэ байhан соонь хэлэхэ ёhотойбди. Хэжэ байhан хэрэг ажалдаа хамаг сэдьхэлээ үгэжэ хандаhан хүн хэзээдэшье үрэ дүнтэй, үрэ дүндөө ханамжатай байдаг гээшэ. Иимэл хүнүүд гүрэн түрэеэ урагшань хүтэлжэ ябана ха юм даа. Саг зуурын ушаралнуудта дабагдажа, голхоржо гомдожо hуунгүй, эрмэлзэл ехэтэй ябахадаа арад зондоо үльгэр жэшээ боложо, хэзээдэшье хүндэтэй ябадаг гээшэ. Ерэжэ байhан жэлнай – уран зохёолой жэл.
Хүндэтэ нүхэд, орожо байhан Шэнэ жэлые арюухан бодолтой угтажа, жэлэй туршада өөдэргэн hонор, урагшатай урматай, ажал хэрэгтээ амжалтатай, азатай жаргалтай ажаhуухыетнай юрөөнэб!
Хүхэ ногоон хасууриин
Хоншуу хангал дэлгэржэ,
Зоной сэдьхэл найдуулан,
Золой одон бадарба.
Шэнэ жэлээр,
Алтан дэлхэй!
Шэнэ жэлээр,
Хүндэтэ нүхэд!
Буряад Уласай соёлой яаманай сайд Тимур Цыбиков
