Асуудал: Бүлэгэй нэгэ гэшүүн нэгэ доро хоёр мүрысөөндэ хабаадаха эрхэгүй гэжэ положени соо бэшээтэй. Мүрысөөндэ 9 шатанууд болохо байна, яагаад 7 хүн 9 мүрысөөндэ хубаарха болоно гээшэб?.
Харюу:
Үдэ болотор иимэ шатануудые үнгэргэхэ гурим тогтонхой:
Тест - 1хүн
Уран баримал - 1 хүн
Хэнэй хэлэн баян бэ? - 1хүн
Оршуулга - 1хүн
Зохёон заһаха текст - 1 хүн.
Үдэрэй туршада оёдол хэхэ даабарида - 1 хүн
Шүлэг зохёогшодой хүдэлмэри шэлэн абалгын харалга -1 хүн
Дүн хамта 7 хүн болоно. Нютаг хэлэнэй толи команда гэртээ бэлдээд мүрысөөнэй урда эльгээнэ.
Үдын хоол бариһанай удаа булта ехэ танхим соогоо сугларжа, шүлэгтэ илгарагшадай дундахи мүрысөөн, "Этигэлэй Хамбада зальбарнам" гэһэн командна мүрысөөн үнгэрхэ. Мүн ташуур гүрэхэ гэһэн хүбүүдэй хабаададаг урилдаанда Уран барималай мүрысөөндэ хабаадаһан хүбүүн орожо болоно.
Гол эрилтэнь: үдэһөө урдахи мүрысөөнүүдтэ командын бүхы гэшүүд хабаадана. Хамба ламын хэлэһээр: нэгэ бэрхэ үхибүүн олон мүрысөөндэ ороходонь муу талатай, өөр хүүгэдые багша һургаха ёһотой, мүрысөөн бүхэндэ шэнэ хүүгэд ерэжэ, буряад хэлэеэ олоороо шудалжа байбалнь, олон хүүгэдые буряад хэлээрнь һонирхуулха гэһэн мүрысөөнэй гол зорилго бэенлүүлэгдэхэ болоно.
Үдэһөө хойшо командын бүридхэлэй хүдэлмэри бүхы дээрээ гараха ёһотой
