Эгээл эндэ сагаан гэһэн үгын оло дахин дабтагдахадань гайхажа болохот. Юундэб гэхэдэ, түрэл хэлэндэмнай сагаан гэһэн үгэ гүнзэгы удхатай бшуу. Ушар иимэһээ буряад зомнай «сагаан дэлхэй», «сагаан эдеэн», «сагаан сэдьхэл» гэжэ юрөөл шэнгеэр үгэлдэг. Нээрээшье, тэрэ үедэ саһан хүртэ дарагдаһан сагаан дэлхэй дунгииха, табан хушуу малай сагаан эдеэн дэлгэрхэ, тэдэнэй эзэдынь сагаан сэдьхэлэй найрта түхеэрхэ. Хүдөө зомнай гоёлойнгоо хубсаһа үмдэжэ, эгээл һайхан зэмсэгээ моридтоо тохон, элинсэг хулинсагайнгаа ёһо гуримые дүүргэхэеэ оролдодог һэн. Манай удха изагуурай одоо һайханаар сахиһан ёһо заншалынь хадаа үндэр наһатай зониие хүндэлхэ нангин заншал байгаа. Тиихэдээл тэдэнэр хотон айлайнгаа үбгэн хүгшэн түрүү зониие ёһолон амаршалхаяа суглардаг бэлэй. Ушар тиимэһээ сагаалганай үедэ аха хүнүүдэй дэлгэһэн хоёр гарые дүүниинь дороһоонь үргэн золгоходонь, хэды һайхан һэм!
Түхэреэн жэлэй эрьесэ түргэн hэлгээд эрьебэ. Тиигэжэ саг тоогой бэшэг нэгэ жэлээр нимгэрбэ, харин манай наhан нэгэ жэлээр нэмэбэ ха юм даа.
Сагаан hарын амаршалга – шэнэ дуун танай hонорто. Эржэна Батудаевагай үгэнүүд дээрэ Дарья Коркинагай бэшэhэн «Сагаалган» гэжэ дууе оперын дуушан Ольга Жигмитова залуу дуушад Валерий Букчимов, Абида Лыгдынов гээшэдтэй суг дуулана.
Дуу шагнаха sagalgaan.mp3
