Ухаан бодолыемнай эрьюулhэн, сэдьхэлдэмнай сэсэг тариhан эгээл hайхан таанараа элдин хабарай эгээл түрүүшын hайндэрөөр, таанарай hайндэрөөр үнэн зүрхэнhөө амаршалнабди!
Алтан дэлхэйн нюруу дээрэ ажабайдалай зүргөөр дабхихадаа азатай ябагты, жаргалтай ябагты, голхорхо гээшые гол таhа мартагты!
Саhанай уhаар тэнгэриин амтатай
Сайгаа шанаhан эжыдээ дуратайб.
Арюун сасали альганhаань сасарха,
Алтан наранай гэрэлдэ дуратайб.
Эжымни, эжыхэмни,
Зөөлэн гартай нарамни,
Зүб үгэтэй бурхамни –
Эжыдээ би дуратайб.
Манай дуранай, халташье,
Танай сэдьхэл дайраа hаань,
Дурлыт, хүхиит, дуулалдыт,
Дуулим дэлхэй гайхуулыт!
Орон хангай, нютагтаа
Олоhон дураяа гамнагты!
Мүшэн болоод уряалhан
Мүнхэ дураяа сахигты!
Дуранай нангин заршамда
«Дахин», – гэжэ байдаггүй...
Хүндэтэ эхэнэрнүүд, хамаг сэдьхэлээ, хамаг дураяа таанартаа бэлэглэхые үдэр бүри хүсэжэ, таанараа үдэр бүри сэгнэжэ ябахабди. Һайндэрөөр!
Буряад Уласай соёлой сайд Тимур Цыбиков
