Барганарай орон hуудалай болон соёлой уласхоорондын III ехэ нааданда хабаадагшад болон айлшадые амаршалжа байhандаа тон ехэ баяртай байнаб!
Буряадай байгаалиин үзэсхэлэн гоё газарнуудай нэгэндэ энэ наадамнай боложо байна. Баргажанай болон Икаадай шэлэнүүдэй гайхалтай үндэр хаданууд, үзэсхэлэн гоё жалганууд, шэл мэтэ сэбэр уhатай гол горход, хүүюурнүүд, тайгын нуурнууд энэ орон дайдада түрүүшынхиеэ ерэhэн хүн бүхэнэй зүрхэ сэдьхэлдэ хэтэдээ үлэхэ байха.
Орон hуудалай болон соёлой уласхоорондын ехэ наадан хадаа нютаг можонуудай хоорондын заншалта соёлой асуудалнуудаар, тиихэдэ дүй дүршэлөөрөө андалдалгын харилсаанай, тэрэ тоодо хүдөөгэй ажахы хүгжөөлгын тон шухала талмай гээшэ.
Буряад Уласта ажаhуудаг олон үндэhэ яhатанай түүхын удхатай соёлой айхабтар ехэ баялигуудые сахин хүгжөөхэ гээшэ энэ ехэ нааданаймнай гол асуудал гээшэл манда тон шухала.
Ехэ нааданда хабаадагшад, тандаа аша үрэтэй хүдэлжэ, табиhан зорилгонуудаа бэелүүлжэ, амжалтатай, хүгжэн hалбаржа байхыетнай хүсэнэб! Тиихэдэ Буряад орондо айлшалан бууhан ушартнай сэдьхэл соотнай наhан үедэтнай хадагалагдажа ябахань болтогой!
Буряад Уласай соёлой яаманай сайд Тимур Цыбиков
