1795 ондо Хориин тайшаа Дамба-Дугар Иринцеевэй hанаашалгаар эхиеэ абаhан Анаагай дасанда үнгэрхэ энэ жэлэй найрай эхин зуугаад жэлэй саана үндэhэтэй юм. Сагай хубилжа байhые мэдэhэн шэрээтэ нэгэ залуу ламада «…сагай тэхэритэр хадагалжа байгты, Ногоон Дара Эхын дасандаа дахин заларха саг ерэхэ…» – гэжэ дасандаа тахигдажа байhан Ногоон Дара Эхэ бурханаа барюулhан юм ха.
Тэрэ гэhээр энэ бурхан айл аймагаар нангин хадагалагдажа байhан байба. Анаа дасанда Ногоон Дара Эхын ордон үндэрлэжэ, мүнөө жэлдэ 108 субаргынгаа заншалта hайндэрые үнгэргэхэдөө, энэ бурханаа хадагалжа байhан айлайхиhаань энэ шэнээр баригдаhан ордон руу залаха шиидхэбэри абтанхай, тиихэдэ тэрэ бурханаа тойроод hууха 21 Дара Эхэнүүд бүтээгдэнхэй, мүн лэ ордондо залагдаха ёhотой.
Иигэжэ Буддын шажанда хабаатай ехэ найр XXIV Бандида Хамба лама Дамба Аюшеевай ударидалга доро үнгэрхэ гээд хүлеэгдэнэ.
Энэ найр дээрэ гэгээрүүлхы болон абаралай ехэ хүсэтэй ламын үндэр нэрые үргэhэн удхатай шэнэ дууншье анха түрүүшынхиеэ зэдэлхэ юм байха.
