НАЙДАЛААР ДYYРЭН «НАҺАНАЙ НАМАР»

Найдал, найдал, хүн найдалаар амиды байдаг... Урдандаа, зунай дүүрэжэ байха үеэр, август һара соо далайн эрьедэ ажаһуудаг хүнүүдэй хажуугаар уһан далайн эгээн томо кит амитад тамаран үнгэржэ байдаг һэн. Хэзээ нэгэтэ, залуу наһандаа, тиимэ һүрөөтэй юумэ харадаг байһанаа хүгшэд һанан, бүхы найдал, баяраа тэрээнтэй холбоно... Амин голто амитанай хуби заяагаар, тэдэнэр үри залгахын түлөө тиишээ ошодог... Харин далайн эрьедэ наhаяа үнгэргэжэ, наһанайнгаа намарые угтажа байһан үбгэд хүгшэд тэрэ үйлэ дахин хаража болохобди гэжэ найдан, нангин һанаагаа бөөмэйлэн ажаһуунад. Китүүдые харахадаа замби дэлхэй байһаараал, амиды мэндэ наһан, амин байдал үргэлжэлнэ гэжэ тэдэнэр үнэншэнэ. «Наһанай намар» гэһэн зүжэг соо буряад театрай алтан «жасада» ороһон, Буряад орондоо суутай, олон зоной энхэрэл дура татаһан артистнар хабаадана. Баста Цыденов, Дамбадугар Бочиктоев, Дарима Сангажапова, Людмила Дугарова, Марта Зориктуева, гээд сууда гараhан эдэ нэрэнүүдые хэн мэдэнэгүйб даа! «Наһанай намар» наһанай найдал болохо байха, заатагүй ерээрэйт!