Хэды жэлэй үнгэржэ байhан мүрысөөн буряад хэлэ шудалалга болон хүгжөөлгэдэ горитой нүлөө үзүүлжэ байна.
Yнгэрhэн жэлэй энэ мүрысөөндэ буряадаймнай бүхы тооной аймагууд хабаадаа бэлэй, мүнөө жэл баhал аймагуудаа хабаадуулан, юhэн hарын 20-hоо шэлэн абалгын харалганууд эхилээ. Мүрысөөнэй түгэсхэлэй шата «Yльгэр» театр соо арбан hарын 22-23-най үдэрнүүдтэ үнгэрхэ.
Мүрысөөнэй дүнгүүдээр иимэ шагналнууд байха гэбэл:
Нэгэдэхи шан – «Эрхим зүжэг» – 20 000 түхэриг
Хоёрдохи шан – «Эрхим хүтэлбэрилэгшэ» – 6 299 түхэриг
Гурбадахи шан – «Эрхим оршуулагша» – 4 000 түхэриг
Тусхай шан – «Эрхим зүжэгшэн» – 3 000 түхэриг
Гурбан шагналнуудта хүртэгшэдтэ уран зурааша Зоригто Доржиевай бүтээhэн «Алтан багууд» барюулагдаха.
Сэгнэлгын үедэ зүжэгэй хэлэнэй баян тала, уран үгын баялиг, хүтэлбэрилэгшын (багшын) мэргэжэл, дүршэл, зүжэг гүйсэдхэгшэдэй шадабари, хүгжэмэй талаар шэмэглэлгэ, зүжэг табихадаа хүгжэмэй зэмсэгүүд дээрэ наадалгые хэрэглэлгэ, дуулаха шадабари, зохёохы талаар шэнэ hонин арга дүрэнүүд, тайзанай хэмжүүр тухайлан мэдэрэлгэ гэхэ мэтэ эрилтэнүүд хараада абтаха.
