Буряад Уласай Засаг газарай орлогшо дарга И. М. Егоровай гар табижа баталhан хэмжээ ябуулагнууд олоной анхарал, үзэмжэдэ табигдана.
Түсэбэй ёhоор энэ оной арбан hарын эхинhээ Буряадай аймагууд болон Уласай ниислэл Улаан-Yдэ хотодо үнгэргэгдэжэ байhан хэлэндэ хабаатай, тиихэдэ хэлэнтэй нягта холбоотой соёлой хэмжээ ябуулагнууд барандаа буряад хэлэнэй hайндэрэй туг дорол үнгэржэ байна гээшэ.
Эхилээд хэлэбэл, арбан hарын 4-дэ Хоца Намсараевай нэрэмжэтэ театрай тайзан дээрэ ОХУ-ай арадай зүжэгшэн Михаил Елбоновай эмхидхэн байгуулhан тэрэнэй нэрэмжэтэ «Эдир Будамшуу» гэhэн мүрысөөн үнгэрөө. Энэ мүрысөөн уласхоорондын хэмжээндэ гараhаар хэдэн жэлнүүд үнгэршэбэ.
Арбан hарын арбанда 29-дэхи hургуулида хотын hургуулинууд хоорондын «Дүрбэн тэгшэ» гэhэн мүрысөөн, тиихэдэ В. С. Мункинай нэрэмжэтэ Хэжэнгын hургуулида буряад хэлэнэй залуу багшанарай дүршэлөөрөө андалдаан-hуралсал, 14-16-да тон лэ иимэ хэмжээ ябуулга буряадай үндэhэтэнэй нэгэдэхи интернат-hургуулида үнгэржэ байна, 15-да хотын 32-дохи hургуулида «Табан сэсэн» гэhэн ухаагаа гүйлгэжэ наадаха наадан-мүрысөөн үнгэрхэ.
Арбан hарын 16-да тэрэл 29-дэхи hургуулида Буряад ороной hургуулинуудай 9-дэхи ангиин hурагшадай дунда «Оюун бэлиг» гэhэн мүрысөөн болохоор бэлэдхэлтэй байгдана ха.
20-ной үдэр Буряадай багшанарай дунда мэргэжэлжэй hургуулида «Бэшэг» гэhэн хэмжээ ябуулга үнгэрхэ, эндэ hонин бэшэг бэшэhэн хүнүүд илгаржа, тэмдэглэгдэхэ байха. Тэрэл үдэр 25-дахи hургуулиин дэргэдэ «Түрэл хэлэн – түрэhэн дайда» гэhэн хотын хэмжээнэй мүрысөөн, тиихэдэ үндэhэтэнэй нэгэдэхи интернат-hургуулида буряад хэлэнэй сахим номоор мүрысөөнүүд, 21-дэ хотын дунда мэргэжэлэй hургуулинуудай оюутадай дунда уран уншалгаар мүрысөөн багшанарай дунда мэргэжэлэй hургуулида үнгэрхэ.
Энэ hарын 9-дэ ехэшүүлэй дунда уншалга дахажа бэшэхэ мүрысөөн байгаа, тиихэдэ энэ мүрысөөн Улаан-Yдын номой hангуудай түбэй 12-дохи hалбарида 16-да үнгэрхэ юм.
Буряадай Гүрэнэй Ехэ hургуулиин дэргэдэ 12-hоо 17 болотор, 19-hөө 23 болотор Буряадай үндэhэтэнэй номой hанда, 19-hөө 26 болотор хүүгэдэй болон эдиршүүлэй номой hанда буряад хэлэнэй долоон хоног үнгэрнэ.
23-да «Буряад хэлэн дээрэ хөөрэлдэнэбди» гэhэн хэмжээ ябуулга, үндэhэтэнэй номой hанда уран зохёолой болон хизаар ороноо шэнжэлхы үүргэтэй «Нюуса тобшо» гэhэн хэмжээ ябуулга.
Буряадай хүүхэлдэйн «Yльгэр» театрта 22-ой, 23-най үдэрнүүдтэ хүүгэдэй театрнуудай «Зархайн шэдитэ үльгэрнүүд» гэhэн заншалта боложо байhан мүрысөөн үнгэрхэ.
Буряадай үндэhэтэнэй үзэсхэлэн дэлгэдэг газар арбан hарын туршада энэл асуудалаар ажалаа эрхилхэ, hонирхолтой үзэмжэнүүд дэлгэгдээд байна.
Буряад хэлэн дээрэ шэнэ зүжэгүүдые бэшэлгээр мүрысөөн энэл Буряад хэлэнэй hайндэртэ зорюулагдаhан байгаа бэлэй.
10 жэлэй ойн баярай түгэсхэлэй наадан Буряадай Гүрэнэй Ажалай Улаан тугай орденто Хоца Намсараевай нэрэмжэтэ театрта 23-да 17 сагhаа эхилхэ гээд түсэблэгдэнхэй.
