https://vk.com/club56334543 энэ хаягаар манай группын "Аудиозапись" гэһэн таһаг соо дуун бүхэндэ ороод, (дуун дээрэ даража) хараха аргатайт: үгэ, хүгжэмынь хэн бэшээб гэжэ, тиихэдэ дуунай үгынүүдынь хуу бэшээтэй байха.
«Буряад-монгол арадайнгаа эдир үетэндэ зорюулан бүтээһэн тус дискмнай үргэн дэлисэтэйгээр олон түмэндэ хүртэжэ, хүүгэдэй мэдэрэлые далижуулан, эхэ хэлэеэ шудалжа, би буряад хүнби гэжэ омогорхон, орон нютагаа, эхэ байгаалияа хайрлажа, сэгнэжэ һурахадань туһа болог» – гэжэ проектые һанаашалан хүтэлбэрилһэн Жанна Дымчикова дискын хэблэгдэхэдэ хэлээ бэлэй.
Эдир дуушадай «Мүнгэн хонхонууд» гэhэн студиин хүтэлбэрилэгшэ Сэсэгма Ринчинова, дуунуудай бэшэлгые студидэ ударидагша Сарантуяа Жалцанова болон абяа найруулагша Николай Силин гэгшэдэй шагнагшадтаа хандалга соо иигэжэ хэлэгдэнэ: «Буурал хангай дайдымнай сахюусад бурхад, буурашагүй һүлдэтэ араднай хөөрхэн жаахан хүүгэдэйнгээ хүгжэм дууе соносожо баясан, шэг шарайгаа сэлмээжэ, сэдьхэл бодолоор тэнииг лэ. Тусхайлан хэлэбэл, манай зохёохы бүлэгэй гэшүүн бүхэн: уран шүлэгшэн гү, хүгжэм зохёогшо гү, багша гү, али аранжировко хэгшэд гү – бултадаа энэ ажалаа үнэн сэдьхэлһээ оролдожо бүтээгээ. Багашуулнай эхэ нютагайнгаа нэрэ хүндыень үргэжэ, һалбаран хүгжэхэ хэрэгтэнь туһа нэмэриеэ оруулха, хаанашье арад түмэнөө түлөөлхэ шадалтай түгэлдэр баатарлиг зон болоһой гэжэ үреэн этигэнэбди. Хүхюун, дорюун буряад-монгол хүүгэдэй аялга дуунууд бүмбэрсэг дэлхэйдэ хэзээдэшье зэдэлэг лэ!»
https://www.youtube.com/watch?v=WZS1Ppr-_MA – иимэ хаягаар даража шагнажа, хаража болохо клип соо ороhон дуунууд удаа дараалан иимэ гуримаар табяатай байха гэбэл:
«Баяртайб». Хүг. С. Жалцановагай, үг. Ц-Х. Дарибазаровагай. Хүүгэдэй хоор
«Би томо болооб». хүг. Г. Баттулгын, үг. Ц-Х. Дарибазаровагай. Гармаев Эрдэни
«Зүгы». Хүг. Б. Наранбаатарай, үг. Д. Балданай. Будаева Алтана
«Баабгайн мёодхон». Хүг. Д. Дымбрыловэй, үг. Н. Артугаевагай. Эрдынеев Цыбаан
«Амар мэндэ, Наран». Хүг. Э. Цымпиловэй, үг. Г. Чимитовэй. Нарана Бурхиева, Баваасан Ринчинов
«Эрбээхэй». Хүг. Б. Наранбаатарай, үг. Л. Эрдэнцэцэгэй. Гомбожапова Настя
«Нэрэгүй Нэхытэ». Хүг. Г. Баттулгын, үг. Ц-Х. Дарибазаровагай. Тудупов Жамьян
«Бүмбэгэ». Хүг. Б. Батодоржиевай, үг. Н. Артугаевагай. Батожаргалова Юмжана
«Борбилоо». Хүг. Б. Батодоржиевай, үг. Нина Артугаевагай. Гомбожапова Настя, Данзанова Вика
«Баабгалдай». Хүг. М. Дамирановай, үг. Ц-Б. Бадмаевай. А. Будаева, Ц. Эрдынеев, Ю. Батожаргалова, Э. Гармаев, А. Ламаева
«Улаалзай». Хүг. Н. Нар-Оюугай, үг. Жан Зиминэй. Бимбаева Сарюна
«Һолонго». Хүг. С. Жалцановагай, үг. Ц-Х. Дарибазаровагай. Маланова Галя
«Дүүжэн-даажан». Хүг. Н. Нар-Оюугай, үг. Ц-Д. Дондогойн. А. Будаева, Ц. Эрдынеев, Ю. Батожаргалова, Э. Гармаев, А. Ламаева, Б. Ринчинов
«Нойр». Хүг. Вл. Пантаевай, үг. Басаа Валерын. Ольга Жигмитова, хүүгэдэй хоор
«Эхирнүүд». Хүг. Р. Балдандашиевай, үг. Б-Х. Жигмитовагай. Будаева Алтана, Юмжана Батожаргалова
«Би дуратайб». Хүг. Г. Баттулгын, үг. Ц-Х. Дарибазаровагай. Бимбаева Сарюна
«Буряад-Монголнай». Yгэнүүд ба хүгжэмынь Даша-Дондог Жалсараевай. Намжил Найданов, Аюр Улзытуев
Орожо шагнаха хаягаа мартаагүй бэзэт? Иимэ хаягаар орожо шагнаарайт: https://vk.com/club56334543
