Новости

«Мүнгэн хонхонууд» гэһэн хүүгэдэй дуунай студиин клиптэ Япон орондо мэдээжэ сумо-барилдаашан Анатолий Михаханов оролсобо. 7 һарын һүүлээр энэ студи гурбадахи согсолбориёо олон дуратайшуулда дэлгээ.

Эрхүү хотодо 9 һарын 8-һаа 11 болотор үнгэрхэ үргэн хэмжээнэй «Байгалай һахюуһан» гэһэн нааданда Буряад Театр баһа оролсохо. Тус фестиваль Александр Вампиловай нэрэмжэтэ ТЮЗ-тэ хараха аргатайт.

Августын эхиндэ Мухар-Шэбэрэй Шаралдай һууринда хүлгөөтэй байба. Ушарынь гэхэдэ, элитэ уран зохёолшо Исай Калашниковай түрэһөөр 88 жэлэй ойн баярта зорюулагдаһан заншалта хуралдаан эмхидхэгдээ. Гадна шэмээшэгүүдэй үндэһэн соёл хүгжөөлгын түб үүдэеэ сэлеэ.

Оршон  үеын Монгол улас ондоо болошоо  гэшэ гү, али үгы гү? Харюуень һая нээгдэһэн үзэсхэлэнэй зурагууд соо сохом олохоор байха.

Эрхүү можодо түрүүшынхие уласхоорондын «Байгалай һахюуһан» гэһэн театральна наадан үнгэрхэнь.

Буряад уласай  дуу хатарай «Байгал» театр хүндэтэ харагшадтаяа харилсаха шэнэ арга олоһоноо мэдүүлбэ.

Намжил Нимбуевай «Хорэш, усь-усь» зохёолой үндэһөөр «Под вечным синим небом» («Хүхэ мүнхэ тэнгэри доро») гэһэн богони хэмжээнэй уран һайханай фильм нютагаймнай найруулагша Елена Емельянова буулгана.

Сентябриин 15-һаа 22 болотор Улаан-Үдэдэ  Лхасаран Линховоиной нэрэмжэтэ дууриин уралигай VI ехэ наадан үнгэрхэнь. Эгээл тэрээгээр Буряадай гүрэнэй Оперо болон баледэй академическэ театрай 80-дахи ойн баярай хаһа нээгдэхэнь гээшэ.

Хүүхэлдэйн «Үльгэр» театр ерээдүйдэ ендэр дээрэ гараха халааниие Бай­галай эрьедэ шэлэн бэлдэхэ тухай шэнэ түсэл зохёожо, тэрэнээ федеральна хэм­жээндэ хамгаалжа шадаһан байна.