Эрхимууд гурбан бүлэгтэ элирүүлэгдэхэ юм. «Мэргэжэлтэн» - тусхай һургуулитай, энэ һалбарида ажалладаг зоной бүтээһэн ажалнууд аминдаа сэгнэгдэхэ. Хоёрдохи «Һайн дуратан» гэһэн бүлэгтэ юрын зоной ажалнууд тэмсэхэ. Харин 3-дахи «Хүүгэд» гэһэн бүлэгтэ үхибүүдэй хабаадалсаһан клип бүтээһэн зоной дунда урилдаха. Дээрэ нэрлэгдэһэн 2 бүлэг хамтадаа энэ бүлэгтэ оролсохо болоно.
Тус тэмсээндэ байгша ондо бүтээгдэһэн ажалнууд дурадхагдаха ёһотой. Ажалнуудаа info@buryad.tv гэһэн хаягаар декабриин 17 болотор ябуулхада болоно. Тэрэл үдэрһөө ажаһуугшадай дунда эрхим ажалнуудые элирүүлһэн һунгалта эхилхэ юм. Диилэжэ гараһан бэрхэшүүлые «Буряад ТВ» агаарай долгиндо декабриин һүүлээр урмашуулха.
