Хэблэлэй болон сахим олондо мэдээсэл тараадаг хэрэгсэлнүүдэй сурбалжалагшад, юртэмсын бусайдаһан соо тусхай нюур нээгээд бэшэжэ байдаг сурбалжалагшад болон хаанашье хабаагүй сүлөө бэшээшэд, тиихэдэ сурбалжалагшын мэргэджэлээр һуража байһан оюутад олон шэглэлтэй мэдээсэлнүүдые үүсхэхэ зорилготой соносхогдоһон энэ мүрысөөндэ уригдана.
Мүрысөө үнгэргэлгэдэ хамтаран оролсогшо – «Үбэр-Байгалай газарай малтамалнуудай үйлэдбэри»гэһэн хуби ниилүүлһэн нэгэдэл.
Мүрысөөнэй зорилгонууд:
– Соёлой талаар гүрэнэй хараа шэглэлнүүдые бэелүүлгын оршондо соёл хүгжөөхэ гол асуудалнуудта олондо мэдээсэл тараадаг хэрэгсэлнүүдэй аргаар ниитын анхарал хандуулалга.
– Соёлой талаар һайн талануудыень харуулһан мэдээсэлэй оршон байгуулга
Мүрысөөнэй шиидхэхэ асуудалнууд:
– Буряад Уласай соёлой байдалые, шиидхэгдээгүй асуудалнуудые болон хүгжэлтые байһан соонь харуулалгада шэглүүлэгдэһэн сурбалжалагшадай анхаралые дэмжэлгэ.
– Эрхим хүдэлмэринүүдые шэлэн абалга.
Шэлэн абалгын эрилтэнүүд:
– Мүрысөөнэй удха, зорилгонууд болон шиидхэхэ асуудалнуудта тааралдал;
– саг соогоо хэблэгдэһэн (табигдаһан) ушар;
– дүүрэн хэмжээндэ үнэн харуулагдаһан;
– удхыень хүгжөөлгын гурим баримталһан;
– хэблэлэй һонирхолтой ба өөрсэ тала;
– хэблэгдэһэн ба дэлгэс дээрэ табигдаһан мэдээсэлнүүдэй мэргэжэнги шата (ойлгоходо бэлэн, һонирхолтой болгохо онол аргануудые хэрэглэһэн);
– гол удхынь тайлбариие өөрсэ маягаар харуулһан.
Сурбалжалагшын өөрын бэшэһэн хүдэлмэри байха ёһотой. Һүүлэй һонинуудай маягаар хэгдэһэн хүдэлмэринүүдһээ бэшэн мүрысөөндэ табигдаха гэбэл: асуудал ба харюунууд дээрэ үндэһэлһэн хөөрэлдөөнүүд, тэрэ дороо боложо байһан үйлэ харуулһан хүдэлмэринүүд, богони хэмжээнэй үгүүлэлнүүд б.б.
Тон богони хэмжээнэй мэдээсэлнүүд, захил дүүргэжэ хэгдэһэн түлбэритэ хүдэлмэринүүд мүрысөөндэ хабаадуулагдахагүй.
Хүдэлмэринүүдээ мүрысөөндэ табигша энэ хүдэлмэринүүдыень юртэмсын бусайдаһан соохи Соёлой яаманай ба Соёл.ру буудалнуудта толилхо зүбшөөлөө үгэхэ ёһотой.
Бүридхэлдэ абтаһан олондо мэдээсэл тараадаг хэрэгсэлнүүдэй сурбалжалагшадта энэ дээрэ бэшэгдэһэн зүйлые хэблэлэйнгээ болон хамжаанайнгаа хүтэлбэритэй зүбшэхэ дурадхал оруулагдана.
Мүрысөөн иимэ нэрлэгдэһэн заабаринуудаар үнгэрхэ:
– юртэмсын бусайдаһан соо тусхай нюур нээгээд бэшэжэ байдаг эрхим сурбалжалагша;
– дэлгэстэ табигдаһан эрхим хүдэлмэри;
– агаарай долгиндо табигдаһан эрхим хүдэлмэри;
– хэблэлдэ толилогдоһон эрхим хүдэлмэри;
– юртэмсын бусайдаһан соо олондо мэдээсэл тараадаг хэрэгсэлнүүдтэ толилогдоһон эрхим хүдэлмэри;
– буряад хэлэн дээрэ бэшэгдэһэн (байгуулагдаһан) эрхим хүдэлмэри.
Жэлэй туршада соёлой яаманай болон соёлой бусад эмхи зургаануудай талаһаа эдэ хэблэлнүүдэй толилолгонуудай үдэр бүриин бүридхэл боложо байха.
Нэрлэгдэһэн заабари бүхэнөөр илагшад элирүүлэгдэжэ, мүнгэн шангаар урмашуулагдаха. Дүрбэн һарадаа нэгэ удаа, тиихэдэ жэлэй үнгэрхэдэ дүнгүүд согсологдожо байха. Жэлэй дүнгөөр илагшада гол шан – нэрлэгдэһэн заабари бүхэнөөр доро дороо 30 000 түхэриг хараалагданхай.
Дүрбэн һарадаа нэгэ удаа дүн согсологдоходоо, нэрлэгдэһэн заабари бүхэнөөр нэгэдэхи һуурида гараһан нэгэ нэгэ хүдэлмэринүүд доро дороо 5 000 түхэригөөр, нэрлэгдэһэн заабари бүхэнөөр хоёрдохи һуурида гараһан хоёр хоёр хүдэлмэринүүд доро дороо 3 000 түхэригөөр урмашуулагдаха.
Тодорхойгоор эндэ хаража, хуулажа абахада болохо: Положение
