Новости

Буряад ороной дэбисхэр дээрэ эбтэй нэгэ бүлэ боложо һуудаг олон яһатамнай арадайнгаа һайндэр Сагаалганиие угтажа байна.  

Эртэ үглөөгүүр, гарай альган дээрэхи хээ зурагай харагдажа захалхада һарын литээр Шэнэ жэл гарадаг. Эгээ дуратай энэ һайндэрнай соёлой талаар өөрын заншалнуудтай болонхой – дуун, хатар, хубсаһаншье хүрэтэрөө үндэһэн маягтай ха юм. Тиимэһээ Буряадаймнай соёлшод арад зондоо урлалайнгаа эгээл эрхим дээжые бэлэглэхэ гэжэ бэлдэнхэй.

Лариса Сахьянова ба Пётр Абашеевэй нэрэмжэ¬тэ Буряадай хореографиин колледж гурбан сая түхэригэй шэб шэнэхэн хүгжэмэй зэбсэгүүдтэй болобо. Ородой Холбоото Уласай Юрэнхылэгшэ Владимир Путин нөөсэ жасаһаань энэ мүнгэ һомолжо, манай эдир хатаршадые, дүй дүршэлтэй багшанарыень Германиин эрхим шанартай долоон фортепианаар, Тула хотодо бүтээгдэһэн үнэтэй баяанаар хангаба ха юм.

Соёлой талаар гүрэнэй хараа шэглэлнүүдые бэелүүлхэ зорилготой энэ мүрысөө Буряад Уласай Соёлой яаман эмхидхэн зарлаба.

Энэ хадаа Чимит Цыдендамбаевай түрэл тоонтоёо түүрээһэн шүлэг сооһоо абтаһан мүрнүүд… Тэрэнэй түрэһөөр 100 жэлэйнь ой эдэ үдэрнүүдтэ гүйсэжэ байна.

Үбэр-Монголой элитэ уран зохёолшо Лигдэнэй бэшэһэн “Гайхамшагта гурбан тулам” гэжэ үльгэрэй маягаар бэшэгдэһэн туужа хэблэлһээ гараба.

Мүнөө үедөө Мүнхэ Батомункуев дуу хатарай үндэһэн «Байгал» театрай эгээ залуу дуушан гээшэ.  

Уласай хүүгэдэй болон эдиршүүлэй номой һанда бага хуралнуудай танхим заһабарилагдажа дүүрэбэ.

Сагаан һарын угтамжада зорюулагдаһан «Байгал» театрай наада зугаа февралиин 17, 18, 19-нэй үдэрнүүдтэ үнгэрхэ.

Захааминай хүүгэдэй урлалай һургуулиин  Аида Бальжанова Алина Норбоева хоёр шабинар “Хоёр ниислэл Рождестводо” гэһэн Уласхоорондын түсэлдэ эрхимээр хабаадажа, баяр жаргалаар халиһан Татьяна Норбоева багшатаяа түрэл Буряадтаа бусажа ерэбэд.