Байгша ондо хэмжээ ябуулга эмхидхэгшэд мүрысөөнэй номинацинуудые нэмээ. 7 наһа хүрэтэр үхибүүд «Тоолуурнууд» («Считалки») гэһэн һалбарида хаба шадалаа туршаха. 17 наһа хүрэтэр үхибүүд «Оньһон ба хошоо үгэнүүд» («Пословицы, поговорки») номинацида хабаадаха юм. «Үреэлнүүд, юрөөлнүүд» («Благопожелания») гэһэн номинаци наһанай 4 бүлэгтэ хубаарилагдаа, эндэ хүн бүхэн оролсохо аргатай.
«Жороо-челлендж» болон «Таабари-баттл» гэһэн номинацинуудта эгээл шанга тулалдаанууд хүлеэгдэнэ.
«Уран хэлэтэнэй урилдаан» Сагаан һарын үдэрнүүдтэ үнгэргэгдэхэ. Хэмжээ ябуулгада хабаадаха гэбэл, хабаадагшын буулгабари Instagram холбоондо #уранхэлэтэнэйурилдаан2021 гэһэн хэштег табижа, эмхидхэгшэ @rcnt_tvorchestvo хуудаһа заажа толилхо хэрэгтэй.
Жороо-челлендж, таабари-баттл номинацинуудта хабаадаха гэбэл, Instagram холбоондо #жороочеллендж гү, али #таабарибаттл гэһэн хэштег табижа, эмхидхэгшэ @rcnt_tvorchestvo хуудаһа заажа, буулгабари толилхо хэрэгтэй
Мүрысөөндэ хабаадаха тухай мэдүүлгэ kddrсnt@mail.ru гэһэн сахим хаяагаар «Уран хэлэтэнэй урилдаан» гэжэ тэмдэглэжэ, эльгээхэ хэрэгтэй. 2021 оной февралиин 15 болотор мэдүүлгэнүүд оруулагдаха. 89516299196 гэһэн утаһаар холбоо барижа болохо.
Тодорхой мэдээсэл байкалфолк.рф сайтда мүрысөөнэй гуримда харахаар.
