БУРЯАД ХЭЛЭН ДЭЭРЭ ЗYЖЭГҮҮДЫЕ БЭШЭХЭ
МYРЫСӨӨНЭЙ ДҮРИМ
I. ХАМТЫН ДҮРИМ
Мүрысөө үүсхэн байгуулагша:
Буряад Уласай соёлой яаман
Мүрысөө эмхидхэн найруулагша:
«Арадай уран бүтээлэй республикын түб» гэһэн Буряад Республикын гүрэнэй бэеэ дааhан соёлой эмхи зургаан
Мүрысөөнэй зорилго:
- буряад хэлэеэ сахин хүгжөөхэ
Мүрысөөнэй даабари:
- шэнэ зүжэглэмэл зохеолнуудые буряад хэлэн дээрэ байгуулгые урмашуулха;
- бэлигтэй зохёолшодые элирүүлэн дэмжэхэ;
- эрхим зохёолнуудые хэблэлдэ гаргаха;
- театрта дуратайшуулай бүлгэмүүдэй, кружогуудай, арадай театрнуудай репертуар баяжуулха;
- театрта дуратайшуулай бүлгэмүүдэй хүгжэлтэдэ туһалха.
II. МYРЫСӨӨНЭЙ ГУРИМУУД
Мүрысөөндэ хабаадагша буряад хэлэн дээрэ бэшэдэг ямаршье ороной эрхэтэн байжа болохо. 2014, 2015 онуудай туршада буряад хэлэн дээрэ бэшэгдэһэн уран зохёол мүрысөөндэ абтаха. Түрүүн хэблэлдэ гараһан ба театрнуудай тайзан дээрэ табигдаhан, бусад мүрысөөнүүдтэ шалгарhан зохёолнууд абтахагүй.
Мүрысөөндэ үгтэһэн уран зохёол ямаршье жанр дээрэ бэшэгдэhэн байжа болохо.
Зүжэг бусад бодото болон хуулита нюурнуудай байха ёһогүй.
Зүжэг хэды ондо бэшэгдэһэн бэ гэжэ тэмдэгтэй байха ёһотой. Зүжэгэй хэмжүүр
- 20 хуудаһан («Times New Roman 2 14 pt, бэшэгэй мүрнүүдэй хоорондохи зай 1,5).
Мүрысөөндэ үгтэһэн зохеолой хажууда зохёолшо тухай мэдээн байха ёһотой: обог, нэрэ, эсэгын нэрэ, түрэһэн үдэр, түрэһэн газар, эрдэм һургуули, мэргэжэл, зохёохы ажалай намтар, шуудангай дугаартай хаяг, гар утаhан, факс, сахим хаяг, зүжэгэй нэрэ, бэшэгдэһэн он, нюур зааhан дансын мэдээнүүд, ажаhуудалай бүридхэл, ИНН, даадхалай гэршэлгын дугаар.
Зүжэгүүдтэ шүүмжэлэл хэгдэхэгүй, бусаагдахагүй.
Мүрысөөндэ ороhон зүжэгүүдые шүүгшэдэй бүлэг сэгнэхэ. Шүүгшэдэй бүридхэлдэ соёл урлалай, уран зохёолой болон ниитын ажал ябуулагшад ороно.
Сэгнэлтын шатанууд:
Зүжэг тон лэ бэшэгдэлдэг гуримаараа бэшэгдэhэн, доторойнь ажабайдал өөрын удхатай байха;
зүжэгэй удха бэшэгдэһэн маяг, түхэл, дүрсэтэеэ тааралдаха ёһотой;
зүжэгэй тон шухала удха онсо аргаар нээгдэhэн байха;
өөрын һанамжа, бодолтой байха ёһотой;
жэнхэни буряад, баян һайхан хэлэтэй, уран үгэтэй байха;
хүнэй зүрхэ сэдьхэл, ухаан бодол хүдэлгэжэ шадаха байха.
Эгээн түрүүн иимэ удхатай зүжэгүүд тэмдэглэгдэхэ гэбэл:
Россиин, Буряадай дайнай ба ажалай алдар соло: Илалта, илагшад;
эхэ орондоо үнэн сэхэ ябадал, олониитын гүн баялигууд;
ажалай амжалтын түүхэнүүд: үйлэдбэриин, олониитын хэрэгүүдэй;
уран зохёолой алдаршаһан ажал ябуулагшын (классикын) шэнэ байдал;
олониитын, гэр бүлын үнэтэй удха шанар.
Илалта туйлагшадта иимэ хэмжээнэй мүнгэн шагналнууд хараалагдана:
1-дэхи шагнал – 60 000 түхэриг, 2-дохи шагнал – 50 000 түхэриг, 3-дахи шагнал – 40 000 түхэриг (эндэ хууляар хараалагдаhан албан болон бусад татабаринууд оруулагданхай). Илажа тодорhон зүжэгүүд саашадаа олониитын үзэмжэдэ soyoI.ru, байкалфолк.рф гэһэн сахим буудал дээрэ хэблэгдэхэ.
III. ЗОХЁОГШЫН ЭРХЭ
Мүрысөөндэ хабаадагша мүрысөөндэ үгэһэн зохёолоо «өөрымни» гэжэ гэршэлхэ ёһотой. Илажа гараһан, мүнгэн шанда хүртэһэн автор мүрысөө эмхидхэн найруулагшада зүжэгэй эзэн болохо тусагаар эрхэ бүхы дэлхэйн дэбисхэр дээрэ үгэнэ (Россиин Эрхэтэнэй Дүримэй 1270-дахи статьягай, 4-дэхи хубяар 25 жэлэй турша соо – шэнэлхэ, тарааха, хүн зондо харуулха, дэлгэстэ гаргаха г. м.). Мүрысөө эмхидхэн найруулагша абтаһан зүжэгэйнгөө хуулбариие буулгаха эрхэтэй. Бүтэн зандань гү, али хубяарнь, тусгаар элдэб үгэнүүдтэй, зурагуудтай болгожо болохо. Россиин Федерациин 4-дэхи хубида Эрхэтэнэй дүримэй VII хубиин 69-70 бүлэгэй ёһоор авторска эрхэ элирдэг.
Энэ дүрим договор-оферта болоно, мүрысөөндэ хабаадаха авторай мэдүүлгэ, Россиин Федерациин Эрхэтэнэй дүримэй 1285-дахи статьягай тусгаар эрхэ мүрысөөнэй хэлсээнэй зүбшөөл болоно.
Мүрысөө эмхидхэн найруулагшад, шүүгшэдэй бүлэг конкурсада эльгээгдэһэн зүжэгүүдые хэблэлдэ үгэлгые гү, али тайзан дээрэ найруулан табилгые мэдэхэ эрхэтэй.
IV. КОНКУРСЫН ҮНГЭРХЭ БОЛЗОР
2015 оной апрелиин 20-һоо июлиин 31 болотор мүрысөөндэ эльгээгдэhэн зүжэгүүд абтаха. Мүрысөөндэ орохо тухай мэдүүлгэнүүдые ба зохёолнуудые иимэ сахим хаягаар эльгээжэ болохо: rcntbur@mail. ru. али бусад сахим дэбтэр соо хээд, Улаан-Yдэ хото, Красногвардейскэ гудамжа, 32 гэhэн хаягаар асаржа тушааха.
Арадай уран бүтээлэй республиканска түб, Борисова Эржена Очировна (83012) 45-51-35, 63-08-25 факс: (8- 3012) 45-56-40, 45-51-31
VI. ДҮН СОНОСХОЛ
Мүрысөөнэй дүрим ба элирhэн дүнгүүд иимэ сахим буудал дээрэ гараха: http://minkultrb.ru, байкалфолк.рф.
