Новости

«Шэрэм булад таха», «Уусын дуунууд», хашалган хамалганай үедэ хүдөө нуга нютагуудаар зэдэлдэг буряад арадай дуунууд «Зүүн буряадуудай зуун дуун» гэһэн шэнэ компакт-диск соо оруулагдаба

Эндэ элинсэг гарбалаймнай ажаһуужа байһан орон нютаг тухай хэлэгдэнэ бэшэ. Эхэ, эсэгэһээ захалаад, дээшээ, элинсэг гарбалнуудаймнай түрэлөө урилжа ошодог (ошоһон) орон дайда тухай хэлэгдэнэ гэжэ эхин дээрэнь ойлгохо ёһотойбди. Үнэн дээрээ тиимэ орон гэжэ байдаг юм гү? Хүн зон бултадаашье бэшэ һаа, тэдэнэй ехэнхинь бии гээд хэлэдэг, эдэ мүрнүүдые уншажа һууһан хүнүүд ямар бодолтой юм ааб? Теэд манай хэлэхэ гэһэн гол зүйлнэй энэ бэшэ.

Улаан-Үдэ хотын олон тоото театрнуулай нэгэн болохо, анхан тогтоһон үеһөө мүнөө хүрэтэр арад зондоо үнэн сэхээр алба хэжэ байдаг үндэһэн театрнай – Гүрэнэй Хоца Намсараевай нэрэмжэтэ академическэ театр мүнөө театрайнгаа 80-дахи хаһые нээгээд, амжалта түгэс ажаллажа байна. Театрай репертуарта зүжэгүүд олон, таанар олон харагшаднай энээниие һайн мэдэжэ байнат. Гаража ерэһэн 2012 оной туршада ямар шэнэ зүжэгүүд театрай тайзан дээрэ табигдахаар түсэбтэ ороод байнаб гэжэ мэдүүлэе.

Жэлэй дүүрэжэ байхын хирэдэ, онсолон хэлэбэл 2011 оной декабриин 23-нда, Россиин арадай артист Нина Токуренова олон удаан жэлнүүдэй туршада ажаллажа гараһан театрайнгаа тайзан дээрэ түрэһэн үдэрөө тэмдэглэбэ.  

Үндэһэн буряад драматургиин алтан жасада ороһон Цырен Шагжинай «Будамшуу» гэжэ зүжэг дахинаа табигдаба. Гүрэнэй Хоца Намсараевай нэрэмжэтэ Буряад драмын академическэ театр энэ зүжэгтэ эрьежэ хандахадаа, алишье үе сагта доторойнгоо шанарые алдаагүй, харагшын сэдьхэл эзэлхэ хүсэеэ буураагүй энэ зүжэг үшөөшье хэдэ дахин табигдаха байха гэһэн найдалаа мэдүүлнэ.

Алханын үльгэртэ орон тухай бэшэгдэһэн энэ зүжэг гансахан үхибүүдтэ зорюулагдаһан үльгэр бэшэ гээд, авторынь Б. Ширибазаров хөөрэнэ. Буряад драмын театрай тайзан дээрэ табигдажа байһан энэ зүжэгые харагшад өөһэдөө хаража сэгнэнэ бэзэ гэжэ найданабди. Зүжэгэй найруулагша Баярма Жалцанова.

Буряад-Монгол АССР-эй габьяата багша Лодон Линховоиной 110 жэлэй ойн баярта зорюулжа «Буряад-монгол ном» хэблэл “Лодон багшын дэбтэрһээ” гэһэн нэрэтэй шэнэ ном буряадаар, ородоор хэблэбэ. Энэ ном соо хизаар ороноо шудалааша, урданай буряадай ажабайдалые шэнжэлэгшэ, багша Лодон Линховоиной зохёолнууд оронхой. Тэдээн соонь буряад арадай үзэл һургаал, ёһо заншал, ажал хүдэлмэри, һуудал байдалайнь өөрсэ шэнжэнүүд тобойсо зураглагдана.

Ц. Шагжинай суута “Будамшуу” зүжэг бэшэгдэһэнэй хойшо Х. Намсараевай нэрэмжэтэ Буряад драмын театрта гурбадахияа табигдажа байна.

Шэнээр заһабарилгада ороһон сагһа хойшо үнинэй хүлеэгдэһэн Буряад драмын театрай байшангай үргэн харагшадтаа үүдэеэ нээхэ сагынь одоолшье ойротобо хэбэртэй.