Новости

Сентябриин 1-дэ Улаан-Үдэдэ буряад хэлэн дээрэ ФМ-радио дамжуулгаяа эхилхэнь. Наяад гаран жэлэй саана мүнөө ажаллажа байһан Буряадай радиогой түрүүшын дамжуулганууд агаарай долгиндо гараһан түүхэтэй.

Буряадай арадай уран зохёолшо Исай Калашниковай түрэһөөр 85 жэлэй ойн баярай хэмжээ ябуулганууд тэрэнэй түрэһэн нютаг Мухар-Шэбэрэй аймагай Шаралдай тосхондо найман һарын 12-то үнгэрбэ.

Дээдэ-Онгостойн Байгал тойроһон арадуудай үзэсхэлэн дэлгэдэг газарта найман һарын 6-да Улаан-Үдэ хотын байгуулагдаһаар 350 жэлэй ойн баярта зорюулагдаһан «Хүндэмүүшэ Буряад орон» гэһэн Уласхоорондын хэмжээнэй харалга үнгэрбэ.

Монгол уласай Хүдэлмэриин Баатар, арадай зүжэгшэн, профессор Цэвэгжавын Пүрэвдорждо зорюулагдаhан үзэсхэлэн Нарhата нютагта Цыренжап Сампиловай нэрэмжэтэ музей соо ябан ошон нээгдэхээр хараалагдана.

Монгол, Ород, Хитад Уластахи буряад ирагуу найрагшадай уран бүтээлэй түүбэри –«Алтан модоной баяр» гэһэн ном Буряад-Монгол Ном гэһэн хэблэлээр гаргагдаба.

Бүгэдэ Буряадай эблэрэлгын ехэ hайндэр боложо тодорhон «Алтаргана» гэжэ ээлжээтэ нааданай «хүшэгэ нээхын» тээ урдахана энэ ном нара хаража гараба гээшэ.

Иигэд гээд лэ эхилхэеэ байһан Бүгэдэ Буряадай «Алтаргана» ехэ нааданай наяраанһаа хэдэн хоног урид энэ нааданай эмхидхэлшэдэй нэгэн Жанна Чимитовна Дымчиковатай уулзажа хөөрэлдэбэбди.

Монголой, Буряадай киногой мэргэжэлтэдэй, найруулагшадай дурадхаһан баримтата болон уран һайханай хүдэлмэринүүд «Пионер» гэһэн аралжаа наймаанай болон сүлөө саг үнгэргэлгын түбтэ үглөөнэй, үдэрэй сагуудта харуулагдаха.

Зургаан һарын 6-һаа 2016 оной «Алтаргана» ехэ нааданай нээлгын ба хаалгын баярта орохо, мүн тиихэдэ зохёохы мүрысөөнүүдые орожо хараха биледүүд (тасалбар) худалдагдажа эхилбэ.

Буддын шажанай заншалта Сангхын дурадхалаар «Эхэ хэлэн – манай баялиг» гэһэн hургуулинууд хоорондын Ивалгын дасанда үнгэржэ байдаг буряад хэлэнэй  заншалта мүрысөөнүүд 2016 оной 5 һарын 27-до үнгэржэ, хойто үдэрынь эндэ хабаадагшад отог нютагуудаараа хубааран, 6 бүлэг болоод, Буряадай Гүрэнэй сэнхир дэлгэсэй сэхэ дамжуулгада хоёр сагай туршада мүн лэ мүрысэжэ хабаадалсаа.