Новости

Шэнэхээнһээ гарбалтай Согтын Должон, Б. Бальжан хоёрой тоглолто Улаан-Үдэдэ түрүүшынхиеэ 2012 оной январиин 26-да үнгэрхэнь. Ород драмын театрта үнгэргэеэ байһан концертын урда Должон багшатай хөөрэлдэһэн байнабди.

2015 оной зун барга яһатан Буряад орондо сугларжа, өөһэдынгөө наада эмхидхэхэнь гэһэн һонин дуулдаа һэн. “Барга-буряадай угай бэшэгэй” редактор, шэнжэлэгшэ Той Галсан гэгшэтэй хөөрэлдөө дурадханабди.

Сагаалганай урда тээ, 2013 оной январин 26-да, Буряад орон руу Шэнэхээн нютагай алдарта дуушан Согтын Должон дуу,  наадаяа дэлгэхэеэ айлшалан бууха түсэбтэй.

Мүнөөдэр 2012 оной декабриин 28-да аха дүү хальмаг араднай гашуудалта үдэрые дурсан санажа байнаа. 69 жэлэй саада тээ 1943 оной декабриин 28 һүни, амгалан нойрсожо байһан бүлэнүүдтэ Бериягай ударидадаг НКДВ-гэй сэрэгшэд үүдээрнь сүмэржэ ороод, Хальмагай АССР-ые усадхаха тухай СССР-эй Верховно Соведэй Президиумэй Зарлиг уншаһан юм. Хальмаг арад зон 1943 онһоо 1957 он болотор Сибирь руу сүлэгдэжэ, юу үзөөгүйб даа, хэлэхэньшье бэрхэ. Хальмаг арадай хуули бусаар нютагһаа намнуулагдаһанһаа хойшо 69 жэл үнгэршэбэ. Гэбэшье хальмаг арадай уйдхар гашуудалынь буураадүй, үсэгэлдэр болоһон юумэдэл, яншаһан зандаа. Иимэ зоболон аха дүү арадтаймнай, ямаршье арадтай хэзээдэшье бү тудаг гэжэ юрөөе!

Үнгэржэ байһан жэлэй һүүлшын һарануудта дуушан Аюуна Базаргуруева хоёр ехэ амжалтануудые туйлаба: Уласхоорондын Competizione dell’Opera мүрысөөнэй гурбадахи шан, Монгол ороной хүдэлмэриин баатар, арадай зүжэгшэн Ц. Пүрэвдоржийн Улаан-Баатар хотодо аари, романс дуулагшадай IV урилдаанай хоёрдохи шан.  

Мэнэ һая, декабриин 18-да, Гүрэнэй филармониин танхим соо Дмитрий Аюровай концерт үнгэрбэ. Морин хуурай шэдитэ хүгжэм үдэшын туршада харагшын сэдьхэл жэгнээ. Энэ хадаа Буряадаймнай гайхамшаг хүгжэмшын түрүүшын концерт болобо гээшэ.

Эдэ үдэрнүүдтэ Буряад Республикын бүхы аймагуудһаа буряад хэлэ
заадаг багшанар мэргэжэлээ дээшэлүүлхэ курсэдэ ерэжэ, долоон
хоногой туршада буряад бэшэ яһанай үхибүүдтэ ямар онол аргаар
буряад хэлэ заахаб, ажалдаа ямар дүй дүршэл хэрэглэхэб гэһэн
асуудалаар хөөрэлдөөн болобо. Һуралсалай хүтэлбэрилэгшэ Эржэн
Патанхановна Нанзатова мүн.

Энэ hарын 14, 15-най үдэрнүүдтэ Буряадай Гүрэнэй дуун болон хатарай үндэhэн «Байгал» театрай хатартай, дуу-хүгжэмтэй «Баргажан Түхэм ороной сууряан» гэжэ ехэ зүжэг харагшадай анхаралда дэлгэгдэбэ. Энэнь хэдэн жэлэй саана табигдаhан «Угайм сүлдэ» гэжэ зүжэгэй удаа мүн лэ тиимэ хэмжээнэй томо зүжэг гээд нэрлэмээр болоо.

Дуу хатарай “Байгал” гэһэн үндэһэн театр “Баргажан Түхэм ороной сууряан” гэһэн шэнэ домог түүхэтэ зүжэг найруулжа, байгша оной декабриин 14-15–най үдэрнүүдтэ олон харагшадайнгаа һонорто табихань. Энэ зүжэг хадаа “Угайм Сүлдэ” гэһэн домогто зүжэгэй удаадахи томо ажал болоно.

Энэ жэлэй һүүлшын һарын долоондо Буряадай арадай поэт, Россиин соёлой габьяата хүдэлмэрилэгшэ, Буряадай һэдхүүлшэдэй дээдын шагнал болохо Ярослав Гашегай нэрэмжэтэ шагналтан Цырен-Дулма Дондогойн нүхэд, уран зохёолшод, һэдхүүлшэд, нютагайхидынь, Буряадаймнай сэхээтэн Буряад театртаа эдэбхитэй олоороо сугларжа, 80 наһанайнь ойн дурасхаалай үдэшэ үнгэргэбэ.