Новости

Буряадай суута хатаршан Цыден Бадмаевай түрэһөөр 90 жэлэй ойн баярта зорюулагдаһан үйлэ хэрэгүүд үнгэрбэ.

Декабриин 7-до 17.00 сагта Х. Намсараевай нэрэмжэтэ Буряадай гүрэнэй драмын театрта Буряадай арадай поэт Цырендулма Дондогойн 80 жэлэй ойдо зорюулагдаһан уран зохёолой дурасхаалай үдэшэ үнгэрхэ.

ДДЭШТВ гэһэн компани Ази даяар Монголой телевизийн 40 гаран сувгуудые, тиихэдэ англи, герман, ород, хятад хэлэтэй DW-Asien, Outdoor TV, Bloomberg TV, Үбэр-Монгол ТV, Одон ТВ, SupremeMaster, Australia TV, Дом Кино, Музыка, Телекафе, CCTV-5, Шанхай, Бээжин гэхэ мэтэ каналнуудые үзүүлжэ байдаг томохон эмхи юм.

Ородой эзэлдэг дайдын гүрэн боложо тогтоhоор 1 150 жэлдэ, тиихэдэ олон ондоо яhатанай хоорондоо ойлголсоотой, бэе бэедээ тэсэмгэй байлгын уласхоорондын Үдэртэ зорюулагдаhан «Бүхы Буряад орон» гэhэн можо болон нютагууд хоорондын ехэ наадан арбан нэгэн hарын 17-ндо Буряад театрта үнгэрбэ.  

Үндэһэтэнэй номой санда ноябриин 13-да “Зандан эрхи” гэжэ номой танилсалгын баяр болобо. Эрхиин нангин шүтөөнэй тоогоор 108 дуунууд нототоёо энэ ном соо багтаа юм.

Жэл бүри үнгэргэгдэжэ, заншалта болоhон ээлжээтэ «Эдир Будамшуу» гэжэ мүрысөөнэй бэлэдхэлэй шата дүүрэжэ, энэ hарын 14-15-най үдэрнүүдтэ Буряад театр соо түгэсхэлэй үдэшэнүүд үнгэрбэ.  

Буряадаймнай урдаа хараха, хүгжэм дуунай одо заяатай Саян, Эржена Жамбаловтанай гэр бүлын «Мүнгэн концерт” эндэ һаяхана дэлгэгдэбэ.  Саян Эржена хоёр олохон залуу гэр бүлэнэрэй жэшээ болонхой гэхэдэ алдуу болохогүй. Тэдээндэ адляар ажабайдалаа эрхилэн ажаһуухаяа эрмэлзэһэн хүнүүдшье олдохо. Хүнэй нюдэнһөө далда байха аргагүй,     ходол дэлхэйн  зоной альган дээрэ байһандал ажаһуудаг энэ гэр бүлын эзэн Саян Цыдыпович Жамбаловтай уулзажа, хубиин  болон ажаһуудалай үйлэ хэрэг, мүнөө үеын ажал болон хараа бодолнууд тухайнь хөөрэлдэһэн байнаб.

Энэ hарын 21-hээ 25 болотор Хоца Намсараевай нэрэмжэтэ театр шэнэ зүжэгөө харагшадтаа дурадхана.

Республикын «Үльгэр» гэһэн хүүхэлдэйн театр 45 жэлэйнгээ ойн баяр тэмдэглээ һэн. Тэрэнэйнь 35 жэлнүүд театрай артист Светлана Бунеевагай хуби заяатай нягта холбоотой ябажа байдаг. Энэ жэлдэ Светлана Жамбалдоржиевна наһанайнгаа болон зохёохы ажалайнгаа ойн баярнуудые тэмдэглэнэ.

Хүгжэм зохёогшо Галмандахын Баттулга Хүхэ Мүнхэ Тэнгэриин доогуур нэмжын тэнииһэн хүрьһэтэ алтан дэлхэйн нюруу дээрэһээ хобхолжо хаяшагүйгөөр нэрэ солоёо таблаһан буряад-монгол арадай хэдэн олон зуугаад жэлнүүдэй түүхын тооһо хүдэлгэн, гашуудалааршье, эрид хубилалтааршье, этигэл найдалааршье дүүрэһэн хуудаһануудыень иран эльгэлжэ, энэ зохёолоо бэшэһэн байна.