Новости

Буряад Республикын үндэhэтэнэй номой hанда мэнэ hая иимэ нэрэтэй зохёон бэшэлгээр урилдаан боложо, элинсэг гарбалаа Хори буряадhаа тоолодог монгол уран шүлэгшэ, хэдэн олон мүрысөө-урилдаануудта илажа тодорhон, манай республикада мэдээжэ болоhон Болдын Батхүү хабаадалсажа, түрүүшын hуурида гараhан байна.
Эльгээрээ буряад хадаа Батхүү Буряад ороноо үргэн, магтан түүрээжэ, эхэ буряад хэлэндээ соло дуудан үргэжэ, бэшэжэ байдаг хүн юм.
Уншагшын харахын, ойлгохын тэды Болдын Батхүүгэй бэшэлгэhээ нэгэ хэhэг дурадхая, юрэл hонирходог хүнүүдтэ hонин байхадаа болохо (ганса хэлэ, бэшэлгыншье талаар):

1942 оной алтан шаргал намарай дунда һарын эхеэр аглаг үндэр һарьдагуудай арада Ахын аймагай түб Өөрлиг тосхондо түрэһэн тоонто, түрэл Буряадаа суурхуулха хубитай хүбүүн мүндэлжэ, алхам алхамаар ажабайдалайнгаа аянда гараһан байна.

Шаргал намарай, шара набшын хаһада Буряад дайдадамнай үнгэржэ заншал болоhон эхэ түрэл хэлэнэймнай һайндэр жэлһээ жэлдэ хабаадагшадайнгаа тоогоор үргэдэhөөр  үргэдэжэ, жэлһээ жэлдэ аша үрэ ехэтэйгээр, жэлһээ жэлдэ үргэн дэлисэтэйгээр үнгэржэ байдаг болоо.

Октябриин 24-дэ Буряад Республикын номой һанда Яруныын аймагай Үльдэргэ нютаг тоонтотой Цырен-Ханда Ринчиновна Дарибазаровагай “Өөртөө табиһан асуудал” гэһэн номтой танилсалга үнгэрбэ. Буряад Республикын соёлой министр Цыбиков Тимур Гомбожапович, мэдээсэлэй түбые хүтэлбэрилэгшэ, ном гаргаха ажалые хүтэлбэрилэгшэ Жанна Чимитовна Дымчикова гэгшэд тус хэмжээ ябуулга нээжэ амаршалһан байна.

Буряадай Гүрэнэй академическа драмын театр  октябрь һара соо 80 жэлэйнгээ ойн баяр тэмдэгбэ. Эдэ үдэрнүүдтэ түүхын хуудаһанууд ирагдажа, ажабайдалай эгээл һонин, эгээл удха шанартай үйлэ хэрэгүүд, габьяата  нэрэнүүд дурсагдадаг.

Буряад кино гээшэ  Буряад орондо соёлой тон хүгжөөгүй һалбари ха юм даа. Энэ хэрэгтэ эхи табижа, хүнгэн бэшэ харгын  түрүүшын алхамһаа амжалта туйлаһан Баяр Дышенов мүнөө гурбадахи фильмэеэ бэлдэжэ байна.

Жэлэй эрхим ном шэлэн абалгын 2012 оной харалга-дугылан дээрэ шэлэгдэhэн эрхим номуудай тоодо уран шүлэгшэ Цырен-Ханда Дарибазаровагай «Өөртөө табиhан асудал» гэжэ уянгата шүлэгүүдэй гурбан хубиhаа бүридэhэн ном «Буряад хэлэн дээрэ хэблэгдэhэн эрхим ном» боложо тодорhон байгаа.

Байгша оной арбан hарын 25-нда Буряадай Гүрэнэй Хоца Намсараевай нэрэмжэтэ академическэ драмын театр соо 18 сагhаа Буряад хэлэнэй ээлжээтэ, энэ жэлэй hайндэрэй баярай үдэшэ үнгэрхөөр хараалагдаба.

Сентябриин 28-да Ц. Жамцараногой нэрэмжэтэ номой санда Лодон Линховоиной «Лодон багшын дэбтэрһээ» номтой танилсуулга үнгэрөө.

Ушар юуб гэхэдэ 2012 оной эрхим ном шэлэлгын харалга-дугылан дээрэ бүгэдын һанамжаар энэ ном 2012 ондо хэблэгдэһэн номууд сооһоо эрхим сэгнэлтэ абажа, түрүүшын һуурида гараба. Энэл оной хоёрдугаар һарын 27-ндо сайт дээрээ энэ номой нара хараһан тухай дэлгэрэнгыгээр бэшээ һэмди, тиибэшье үшөө дахин уншахада үлүү болохогүй шэнги…