Новости

Байгаалиин болон хүнэй бүтээhэн (соёлой) гоё үзэгдэлнүүд болон бүтээлнүүдые анхаржа, уран hайханаар шэмэглэн буулгажа, арад зоной анхаралда табижа байдаг сүлөө мэргэжэлтэд Виталий Пальшин, Баир Этагоров хоёр яhала олон иимэ бүтээлнүүдые байгуулжа, арадай анхаралда «абаахайн бусайдаhан» (интернет) руу оруулна гээшэ. Тэдэниие хаража сэдьхэлээ hэгшэhэн, гоё hайхандань тархияа эрьеhэн зоной баяр баясхалан эдэ хоёрой Хии мориндо шэнгэжэ, урлал зохёолой үндэр амжалтада уряалжа, ябаhан лэ газартань харгалзажа байхань болтогой!

Цыренжаб Сампиловай нэрэмжэтэ уран зурагай зүйлнүүдые дэлгэдэг газарта дээрэ үгтэhэн нэрэтэй, Россиин арадай уран зурааша Даша-Нима Дугарович Дугаровай 80 жэлэй ойдо зорюулагдаhан үзэсхэлэн нээгдэбэ.

СССР-эй, Россиин, Буряадай уран зохёолшодой болон журналистнарай холбоонуудай гэшүүн, Буряадай комсомолой шангай лауреат, Буряад Республикын соёлой габьяата хүдэлмэрилэгшэ, Түнхэнэй аймагай «Мундарга» hониной редактор, Мүнхэ Сарьдагай нэрэмжэтэ литературна нэгэдэлэй хүтэлбэрилэгшэ, поэт Жорж Долгорович Юбухаев тухай энэ хөөрөөмнай.

Багша, поэт, уран зохёолшо, уран зурааша Ким Шогдопович Цыденовэй мүнхэ дурасхаалда зорюулагдаһан  «Эхэ нютаг – эльгэн тоонто» гэһэн сэдэбтэ аймагай уран бэлигтэнэй мүрысөөн байгша оной декабриин 6-да  үргэн дэлисэтэйгээр үнгэргэгдэбэ. Энэ мүрысөөн саашадаа заншалта боложо, саг үргэлжэ үнгэргэгдэжэ байха.

Алтан дэлхэйдэ эдлэхэ ажабайдалай эхин – бага наһаяа арюунаар дурсажа, дулааханаар түүрээхэ гээшэ оюун бодолой, сагаан һэшхэлэй хэрэг даа. Ким Цыденов эгээл тиимэ бодолтой, һэшхэлтэй, үшөө тиигээд оюун мэдэрэлэй бэлигтэй хүн байгаа.

Хүндэтэ уншагшаднай, хүршэ Монгол ороной театрай хүреэлэндэ боложо байhан hонирхолтой мэдээсэл тэрэл хэлэн дээрэнь таанарайнгаа анхаралда дурадханабди. Уншагты, монгол хэлэн дээрэ яhала ойлгосотой, тэрэ мүртөө hонин ха юм.

Боролдой студийн «Black box» театр гурван жилийн ойгоо угтан театрын урлагийг шинэ түвшинд гаргах зорилгоор Элит театр болон үйл ажиллагаагаа өргөжүүлэхээр болжээ. Монголд Японы нэрт зохиолч Р. Акутагавагийн «Ширэнгэнд» жүжгээр 11 сарын 27-нд нээлтээ хийсэн байна.

Байгша оной ноябриин 23-да 80-дахи наhан дээрээ Россиин арадай артист, Буряад Республикын Гүрэнэй шагналай лауреат Цыдендамба Пурбуевич Пурбуев наhанhаа нүгшэбэ.

Декабриин нэгэн. Владимир Ильич алтан дэлхэй дээрэ амиды мэндэ ябаhан hаа, энэл үдэр 68 наhатай болохо байгаа… Аяар 45 жэл тухай ажаллаhан хүн тухай бэшэгдэhэн юумэн тиимэ ехэшье бэшэ байна гэжэ анхарагдаа. Ехэнхидээ Владимир Ильич өөрөө бусад хүнүүд тухайгаал бэшэдэг байhан байба. Тэрэнэй ажал ябуулгын талануудые бүхы тээhээнь харуулха гээшэ ехэхэн хүдэлмэри.

Монгол, Буряад, Тыва, Дотор Монгол, Хальмаг нютагуудаар амжалта түгэс наада дэлгэhэн «Хамаг монгол» бүлгэмөөр мэдээжэ болоhон Жавхлан, монгол туурагата арада түмэниие эблэрүүлжэ байдаг мэдээжэ дуушан Сэсэгмаа хоёр Улаан-Үдэ дахинаа ерэхэнь. Ушар юуб гэхэдэ эндэ «Аялгата hайхан буряад хэлэмни» гэжэ нэрлэгдэhэн зохёохы үдэшэеэ уран шүлэгшэ Болдын Батхүү ноябриин 29, 30-най үдэрнүүдтэ 16, 19 сагhаа Буряад театрай тайзан дээрэ дэлгэхэ гэжэ бэлдэжэ байна.

Долоон хоногтоо нэгэ удаа агаарай долгиндо гаража байдаг уран hайханай, хүгжэм дуута «Баян талын аялга» гэhэн радиожурнал Буряадай радиогоор табин жэлэй туршада таhалгаряагүй зэдэлжэ байна.