Новости

“Ариг Ус” телекомпаниин мэргэжэлтэ бэшэ зоной бүтээһэн клипүүдэй мүрысөөндэ дуушан Булад Бадмаев өөрынгөө буулгаһан клип дурадхаад байна.

Үбэр-Монголой Шэнэхээн буряадуудай ажабайдалда зорюулһан үзэсхэлэнэй нээгдэхын урда 2007 ондо энэ нютагта болоһон хэды уулзалгаяа уншагшадайнгаа анхаралда дурадханабди. Шэнэхээнэй Холбоодо Тулгатан гэһэн бүлэтэй танилсажа хөөрэлдэбэбди.  

Сентябриин 9-дэ Үндэһэтэнэй музей соо Шэнэхээн буряадуудай ажабайдалда зорюулагдаһан үзэсхэлэн нээгдэхэ. Үбэр-Монголой мэргэжэлтэ зураашадай 70-аад хүдэлмэри дэлгээгдэхэ гээд Хүлэнбүйрэй зохёохы холбоонһоо Цырендаша дуулгаба.  

Мүнөө үедэ буряад зүжэгүүд, уран шүлэг ямар байдалда юм? Энээн тухай Хоца Намсараевай нэрэмжэтэ Буряад драмын академическэ театрай уран зохёолой таһагай  мэргэжэлтэн, мэдээжэ журналист, поэт, Россиин Федерациин соёлой габьяата хүдэлмэригшэ Николай Чимитович Шабаевтай хөөрэлдэбэбди.

Захааминай аймагай Нурта нютаг тоонтотой Валерий Цыбиков нютагтаа дуулагдадаг дуунуудые багаһаа хойшо һонирхожо үдэһэн хадаа мүнөө тэдэнээ һэргээжэ, заримандань өөрөөшье хаба шадалаараа үгэнүүдые нэмэжэ, 2012 ондо согсолбори болгон хэблүүлээ. “Шүлэг бэшэдэг хүн дууша сэдьхэлтэй байдаг” гэжэ дэмы хэлсэдэггүй ха.

Хоца Намсараевай нэрэмжэтэ академическэ театрай артист Должон Жаргаловна Тангатова «Россиин габьяата артист» гэhэн үндэр нэрэ зэргэдэ хүртэбэ гэhэн баяртай мэдээсэл эдэ үдэрнүүдтэ, театрай артистнарай ээлжээтэ амаралтадаа байха үедэ, дуулдаба.

Улаан-Үдэдэ амжалтатайгаар үнгэрһэн “Хамаг монгол” төсөл 8 һарын 14, 15, 16 үдэрнүүдтэ Тывада, 9 һарын нэгэнэй үдэр Хальмагай Элэһэтэ хотодо үнгэрхэ юм байна.

Этигэлэй Хамбын мүнхэ бэедэ, тэрэнэй гэгээн дурасхаалда зорюулагдаһан 2013 оной заншалта нааданууд юһэн һарын 9-дэ Ивалгын дасанда үнгэрхэ гэһэн шиидхэбэри абтанхай.

Ехэ Монгол Уласай байгуулагдаһаар 807 жэлэй, Арадай хубисхалай 92 жэлэй ойдо зорюлагдаһан Сүхэбаатарай талмай дээрэ 2013 оной 7 дугаар һарын 20-до “Дээлитэй Монгол” зохёон байгуулагдаа. Энэ наадамай түрүүшынхиеэ 7 жэлэй саана үнгэрхэдэнь, 100 гаран монгол дээлитэй зон оролсожо байгаа  һаа, энэ һүүлшын наадамда 10 мянга гаран монгол дээлитэй хүн оролсобо.

2013 оной юһэн hарын эхинhээ дүүрэтэр эдир залуугаар ялас гэмэ үгэтэй алдар нэрэеэ мүнхэлөөд, алтан дэлхэйhээ халижа ошоhон уран шүлэгшэ Намжил Нимбуевай нэрэмжэтэ заншалта мүрысөөнүүд болохоор соносхогдоно. Анхаралтай харагты, мүрысөө үнгэргэхэ мүнөө жэлэй гуримууд ондоо байха.