Новости

Апрель һарын 3-һаа Буряадай Хоца Намсараевай нэрэмжэтэ академическэ драмын театр ээлжээтэ гастрольнуудаа эхилхэнь. Буряадаймнай урдаа хараха зохёохы коллектив энэ удаа Забайкалиин хизаарай түб Шэтэ хото болон Агын Буряадай тойрог руу ошохонь.

Мартын 14-дэ 15 сагhаа Республикын үндэhэтэнэй 1-дэхи лицей-интернадта үнгэрхэ Россиин Федерациин габьяата багша Я. Ц. Ивахиновагай «Буряад түрын ёhо заншал» гэhэн номтой танилсалгын баярта та бүгэдэниие уринабди. Үндэhэн буряад хэлэеэ үри хүүгэдтээ шэнгээжэ, энэ хэрэгтээ бүхы наhаяа зорюулhан багшын ехэхэн, тэрэ мүртөө тон гүнзэгы удха шанартай хүдэлмэри нара хараба гээшэ. Номые зохёогшо Буряад Республикын үндэhэтэнэй нэгэдэхи лицей-интернат hургуулиин буряад хэлэнэй багша Янжима Цыдендамбаевна Ивахинова.

Буряадай Гүрэнэй Ажалай Улаан тугай орденто Хоца Намсараевай нэрэмжэтэ академическэ драмын театрай артист, Буряадай габьяата, арадай артист, Россиин Федерациин габьяата артист Содном Дареевич Хажитов байгша оной гурбадугаар hарын 10-да наhанhаа нүгшэбэ. Мартын 14-дэ, 9 сагhаа 10 саг болотор Буряад театрай ордон соо Содном Дареевичтай хахасалгын ёhолол болохо.

2003 ондо үнгэрһэн Намжил Нимбуевай нэрэмжэтэ Уласхоорондын шүлэгшэдэй нааданда илажа, «Хас эрдэни алим» шагналда, Дэлхэйн буряадуудай 2012 ондо Агын тойрогто үнгэрһэн «Алтаргана» нааданай алтан шагналда хүртэһэн уран шүлэгшэ, Монголой уран зохёолшодой холбооной гэшүүн Хэнтэйн Батхүүгэй нэрэмжэтэ «Аялгата һайхан буряад-монгол хэлэмни» гэһэн бүгэдэ Буряадай уран шүлэгшэ хүүгэд болон залуушуулай дунда наадан үнгэрхөөр хараалагдана.

Сагаалган. Зарим зон Сагаалганай һайндэр хоёр долоон хоног соо үргэлжэлдэг гээд хэлэхэ, нүгөөдүүлынь бүхэли һара соо гэхэ – юрэдөө алиниинь үнэн юм? Сагаан һара гараа хадаа, һарын туршада үргэлжэлөөд дүүрэдэггүй юм гү? Шэнэ жэлэй гараад байхада, Сагаан һарын үедэ уулзажа, ушаржа шадаагүй зоноороо энэ һарыень үнгэргөөдшье сагаалжа байхада хэн хорихоб? Асуудалнууд олон, бодолнуудаараа хубаалдыт, хүндэтэ нүхэд.
Сагаан һара үшөө дүүрээдүй, эгээл энэ үе соонь Уласхоорондын эхэнэрнүүдэй һайндэр – Мартымнай найман багтажа ороо. Ушар тиимэһээ эдэбхитэй бэшэгшэеэ – Буряад театрай мэргэжэлтэн Розалия Дондуповна Тыхеевае эхэнэрнүүдэй һайндэр Мартын найманаар, Сагаан һараар үнэн зүрхэнһөө амаршалаад, зохёохы ехэ амжалтануудые, энхэ мэндые хүсэнэбди!
Тиигээд дайнай үедэ Сагаалганаар дайралдаһан нэгэ ушар тухай бага наһандаа дуулаһанаа бэшэһыень толилхомнай, уншагты, хүндэтэ нүхэд, һонин байха.

«Буряад үнэн» хэблэлэй байшан   «Урданай уран бүтээл – буряад зураг һэргээхэ болон хүгжөөхэ» тухай асуудалаар дүхэриг шэрээ эмхидхэбэ. Энэ хөөрэлдөөндэ  Буряад Республикын Үндэһэтэнэй үзэсхэлэнгэй газарай захирал Т. Бороноева, урлал шэнжэлдэг мэргэжэлтэд: И. Соктоева, С. Эрдынеева, Л. Николаева, Ивалгын дасанай уран зурааша багшанар Цырен лама, Чимит лама, уран зураашад А. Качаров, З. Дугаров, Э. Буинова гэгшэд,  тиихэдэ «Буряад үнэн» хэблэлэй байшангай генеральна захиралай орлогшо А. Махачкеев гээд хабаадабад.

Мүнөөдэрhөө Буряадай Гүрэнэй Хоца Намсараевай нэрэмжэтэ академическэ драмын театр республикынгаа зүүн аймагуудта зүжэг наадануудаа дэлгэжэ эхилбэ.

Эсэгэ ороноо хамгаалагшадай үдэр – жэлдээ нэгэ удаа тэмдэглэгдэдэг эрэшүүлэй hайндэр манай республикада онсо удхатай, hонин үдэр болобо гээд хүн бүхэн ойлгоhон, мэдэhэн байба. Ушар юуб гэхэдэ буряад арадай соёл, урлалай түб болоhон Буряад театрай ордон соо үндэhэн арадаймнай «Һээр шаалган» гэhэн наадан республикын хэмжээнэй мүрысөөнэй гуримаар түрүүшынхиеэ үнгэрөө.

Буряад арад түмэмнай Сагаалганаа угтажа, хүгшэн эжы, үбгэн абаhаа захалаад, аха захатанаа золгоһоной удаа,  шэнын хоёрой үглөөнһөө тахилгатай хада уулада хии мориёо хиидхүүлхэеэ олоороо хүдөө гарадаг. Энэмнай ямар удхатай гээшэб гэһэн асуудалда харюу бэдэрбэбди.

Хүн бүхэн өөрынгөө одон доро ябадаг гэжэ зон хэлсэдэг. Олег Цыденович Цыпилов түлэг наһандаа өөрынгөө одон доро золтой, жаргалтай, үри хүүгэдээ үргэжэ, ашанараа эрхэлүүлжэ, арад түмэндөө тон туһатай  ажалаараа буряад арадайнгаа нэрэ түрыень үргэлсэжэ,  даалгагдаһан ажалаа омог дорюунаар бэелүүлжэ ябана…