Новости

“Алтаргана” фестивалиин хараада табигдадаг үшөө нэгэ шэглэл хадаа уран урлал. Эндэ буряад угсаатанай хэр угһаа хойшо нарин гараар урлан бүтээжэ, сахижа ябаһан зүйлнүүдэй харалган  элбэгээр дэлгэгдэдэг.  Арадай уран урлалай харалганда илагшад тодороол бэзэ, теэд тэдэ бултадаа илажа гараха бэшэ ха юм даа.

Бүгэдэ Буряадаймнай “Алтаргана” наадан үнгэржэ, буряад арад түмэн үнэн сэдьхэлэрээ олоороо хабаадажа, нютаг нугадаа таража бусанхай. Зүгөөр “Алтарганын” сууряан үшөөл зэдэлһээр.

“Уран шүлэг юун гээшэб?” – гэжэ нэгэ шүлэг бэшэдэг хүнһөө һурахадамни,  “Шүлэг гээшэш сэдьхэлэй байдал” – гэжэ хэлээ бэлэй. Эгээл “Алтаргана” нааданай уран шүлэгэй харалганай үедэ энэ сэсэн үгэнүүд гэршэлэгдээ.

Буряад Республикын Соёлой министерствын мэдээсэлэй түбэй хүтэлбэрилэгшэ Жанна ДЫМЧИКОВА - түрэл хэлэеэ, ёһо заншалаа, соёлоо хүгжөөхын тула үнэнхэ зүрхэнһөө оролдожо ябаһан түрүү хүнүүдэй нэгэн. Буряад хэлэнэй сахим һураха бэшэг (электронно ном), “Buryad.fm” гэһэн интернет-радио, “Нүүдэлшэдэй аялга дуун” гэһэн уласхоорондын фестиваль болон бусадшье томо-томо проектнүүдынь энээниие гэршэлнэ. Тиимэһээ Ага һайхан нютагта болохоёо байһан “Алтарганын” урдахана Жанна Чимитовнатай уулзажа, түрүүшын алхамууд, мүнөө үеын ажал хэрэгүүд, саашанхи түсэбүүд тухайнь хөөрэлдэһэн байнабди.

Буряадай Гүрэнэй Хоца Намсараевай нэрэмжэтэ академическэ драмын театрта иимэ нэрэтэй шэнэ зүжэг табигдаба…

«Алтарганын» ээлжээтэ Ехэ наадан 2014 ондо анхан захалһан нютагтаа, Монгол Республикын Хэнтэйн аймагта дэлхэй дайдаар дэлгэржэ тараһан буряадуудаа суглуулжа үнгэрхэ гэһэн шиидхэбэри абажа, Агада бадарһан «Алтаргана» ажалаа түгэсхэбэ.

Бүгэдэ буряадай «Алтаргана-2012» наадан Агын тойрогой дэбисхэр дээрэ үнгэржэ байна. Мүнөөдэр түгэсхэлэй үдэр. Танай һонорто даб дээрээ эли болоһон дүнгүүдыень дурадханабди.

Забайкалиин хизаарай Агын тойрогто эхилһэн дэлхэйн буряадуудай Ехэ нааданай түрүүшын дүнгүүд элирбэ.

Ага найман эсэгын үри үхибүүдэй буусаяа түхеэржэ, гуламтаяа бадараажа түбхинэһэн гурбан аймагуудай дэбисхэр дээрэ эдэ үдэрнүүдтэ (долоон һарын 21-23) бүмбэрсэг дэлхэй дээгүүр таража һуурижаһан бүхы буряадууд сугларжа, найрамдалай найр наадан – «Алтаргана» наярхань.  

Байгша оной долоон һарын 21-23-най үдэрнүүдтэ арадаймнай агууехэ һайндэр «Алтаргана» арбадахи удаагаа Забайкалиин хизаарай Агын тойрогой гурбан аймагуудаар наярха гэжэ, бэлэдхэлэй, эмхидхэлэй ехэ хүдэлмэринүүд дүүрэнтэжэ байна.
«Алтаргана». Наадан тухай, нааданай түүхэһээ мэдээсэлнүүдые «Буряад хэлэнэй сахим һураха номһоо» абажа, та уншагшадайнгаа һонирхол хангажа, дурадханабди: